Batys Qazaqstan oblysynda iri jáne usaq mal sany artqan

ASTANA. KAZINFORM – Batys Qazaqstan oblysy aýmaǵynda óndiriletin aýyl sharýashylyǵy óniminiń 60 paıyzy mal sharýashylyǵyna tıesili.

«Óńirdegi basym baǵyttardyń biri – mal sharýashylyǵy. Salany damytý baǵytyndaǵy qoldaýlardyń nátıjesinde tórt túlik mal basy ósip, ónim óndirý turaqty ulǵaıyp keledi. Oblys aýmaǵynda óndiriletin aýyl sharýashylyǵy óniminiń 60% mal sharýashylyǵyna tıesili. Bıyl bul salany qoldaýǵa 50 mlrd teńge qarjy bólindi», - dedi oblys ákimi Narıman Tóreǵalıev Ortalyq kommýnıkatsııalar qyzmeti alańynda ótken baspasóz máslıhatynda.

Ákim usynǵan málimetke súıensek, bıyl usaq múıizdi mal basynyń sany 2 mln-ǵa jýyqtady, iri qara maly 1 mln, jylqy 350 myńnan asqan jáne túıe 3 myń basqa jetti. 

«Oblys aýmaǵynda 616 myń gektar jer egis alqaby, búginde egin orý naýqany tolyq aıaqtaldy. Bıylǵy maýsymda 300 myń tonna astyq, 96 myń tonna maıly daqyldar, 50 myń tonna kartop, 46 myń tonna kókónis jınaldy», - dep tolyqtyrdy N. Tóreǵalıev. 

Aıta ketsek, BQO-da úsh jyldyń ishinde 620 myń gektar jer memleketke qaıtaryldy.