Batys Qazaqstan oblysynda orman órtendi
ASTANA. KAZINFORM - 2026 jylǵy 12 qazanda elimizdiń memlekettik orman qory aýmaǵynda 1 orman órti tirkeldi, dep habarlaıdy QR Ekologııa jáne tabıǵı resýrstar mınıstrliginiń baspasóz qyzmeti.
Óńirler boıynsha:
Batys-Qazaqstan oblysy – 1 órt.
Batys Qazaqstan oblysynda órt oshaǵy memlekettik orman kúzetiniń jerústi patrýldeýi barysynda anyqtaldy.
Órtti sóndirý jumystaryna orman sharýashylyǵy mamandary men arnaıy tehnıkalary jumyldyryldy. Qazirgi ýaqytta órt oshaǵy tolyq óshirildi.
-Azamattardy órt qaýipti kezeńde tabıǵat aıasynda órt qaýipsizdigi talaptaryn qatań saqtaýǵa jáne otty paıdalaný kezinde barynsha saq bolýǵa shaqyramyz,-delingen mınıstrliktiń habarlamasynda.
Býrabaı ulttyq parkinen órt shyqqany týraly jazdyq.
