Batys Qazaqstan oblysynda orman órti tirkeldi
ASTANA. KAZINFORM — 2026 jylǵy 2 qyrkúıekte Qazaqstannyń memlekettik orman qory aýmaǵynda bir orman órti tirkeldi. Órt Batys Qazaqstan oblysynda bolǵan, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Qazirgi ýaqytta órt tolyq sóndirildi. Ony aýyzdyqtaýǵa orman sharýashylyǵynyń 6 qyzmetkeri, Tótenshe jaǵdaılar qyzmetiniń 10 mamany jáne «Qazavıaormanqorǵaý» RMQK qyzmetkerleri jumyldyryldy.
— Qazir órttiń qaıta tutanýyna jol bermeý jáne jaǵdaıdy baqylaýda ustaý jumystary júrgizilip jatyr. Órttiń shyǵý sebebi anyqtalýda, — delingen mınıstrlik taratqan aqparatta.
Mamandar órt qaýpi kezeńinde tabıǵat aıasynda demalatyn azamattardy órt qaýipsizdigi talaptaryn qatań saqtaýǵa shaqyrdy.
Buǵan deıin Aqtóbede qoqys polıgonynan órt shyqqanyn jazǵanbyz.
