Batys Qazaqstan oblysynda kólik qozǵalysyna shekteý qoıyldy

ASTANA. KAZINFORM – Aýa raıynyń qolaısyzdyǵyna baılanysty 1 aqpan saǵat 23:30-dan bastap Batys Qazaqstan oblysynda respýblıkalyq mańyzy bar avtojoldyń bir bóliginde kóliktiń barlyq túrleri úshin qozǵalys ýaqytsha shekteldi.

Shekteý «Atyraý – Oral» avtojolynyń 371-492 shaqyrym aralyǵynda, ıaǵnı Oral qalasy men Chapaı aýyly arasyndaǵy ýchaskede engizildi.

- Jol qozǵalysyn 2 aqpan kúni saǵat 08:00-de qaıta ashý josparlanyp otyr.

Qosymsha aqparatty táýlik boıy 1403 baılanys ortalyǵy arqyly alýǵa bolady, - delingen QazAvtoJol aqparatynda.

Aıta keteıik, erteń Qazaqstannyń 15 óńirinde kún raıy buzylatyny habarlandy.