Batys Qazaqstan oblysynda kólik qozǵalysyna shekteý qoıyldy

ASTANA. KAZINFORM — Jol qozǵalysyna qoıylǵan shekteýge aýa raıynyń buzylýy sebep boldy, dep habarlaıdy «QazAvtoJol» UK baspasóz qyzmeti.

— 2025 jylǵy 14 qarasha saǵat 19:30–da Batys Qazaqstan oblysynda aýa raıynyń buzylýyna baılanysty «Atyraý-Oral» avtojolynyń 372-492 shaqyrym aralyǵyndaǵy ýchaskesinde (Chapaı aýylynan Oral qalasyna deıin) jáne «Aqtóbe — Oral — RF shekarasy (Syrym ó/p)» avtojolynyń 195-246 shaqyrym aralyǵyndaǵy ýchaskesinde (RF shekarasy Syrym ó/p — Oral q. MAI beketi) qoǵamdyq jáne júk kólikterdiń qozǵalysyna shekteý qoıylady, — delingen habarlamada.

Joldy ashý 2025 jylǵy 15 qarasha saǵat 08:00–de josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Budan buryn «QazAvtoJol» ulttyq kompanııasy elimizdegi aýa raıynyń kúrt nasharlaǵanyna baılanysty júrgizýshilerge jolda abaı bolý kerektigi jóninde eskertý jasady.