Batys Qazaqstan oblysynda kólik qozǵalysyna shekteý qoıyldy

ASTANA. KAZINFORM — Búgin saǵat 12:00–de aýa raıynyń buzylýyna baılanysty birqatar avtojolda kóliktiń barlyq túriniń qozǵalysyna shekteý engizilip, jabyldy.

Bul týraly «QazAvtoJol» UK baspasóz qyzmeti habarlady.

BQO-da respýblıkalyq mańyzy bar kelesi joldar jabyldy:

 — «Kaztalovka-Jánibek-RF shekarasy» avtomobıl jolynyń 0-158 shaqyrym aralyǵyndaǵy ýchaskesi (Kazatlovka eldi mekeninen Jánibek eldi mekenine deıin);

— «Chapaev-Jalpaqtal-Qaztalov-RF shekarasy» avtomobıl jolynyń 0-201 shaqyrym aralyǵyndaǵy ýchaskesi (Chapaı eldi mekeninen Kaztalovka eldi mekenine deıin);

— «Oral-Tasqala-RF shekarasy» avtomobıl jolynyń 4-104 shaqyrym aralyǵyndaǵy ýchaskesi (Oral qalasynan RF shekarasyna deıin);

Joldy 2026 jylǵy 4 qańtar saǵat 20:00–de ashý josparlanǵan.

Budan buryn Almatyda áýe reısteri aýa raıynyń qolaısyzdyǵyna baılanysty keshigip jatqanyn jazǵanbyz.