Batys Qazaqstan oblysynda qar sýy eki joldy shaıyp ketti

ORAL. KAZINFORM — Batys Qazaqstan oblysynda qarqyndy erigen qar sýy aýdandyq mańyzy bar eki joldan tasyp aqty.

BQO TJ departamentiniń baspasóz qyzmetinen málim etkenindeı, oqıǵa 25 naýryz kúni Aqjaıyq aýdany Quraılysaı aýyldyq okrýgi Átibek qystaýy mańynda Juban-Saıqudyq jolynyń 7-shaqyrymynda boldy.

Joldyń osy tusynda 1 myń mm-dan 3 sý ótkizgish qubyr bar. 2023 jyly ınjenerlik jumystar josparyna sáıkes taǵy bir qubyr qosymsha ornatyldy. Sý shaıǵan ýchaske lenta jáne jol belgilerimen qorshalǵan. Aınalma jol bar.

«Sondaı-aq 25 naýryz kúni Jánibek aýdany Jaqsybaı aýyldyq okrýginde Jánibek-Talov-Saryózen jolynyń 3 oıpatty ýchaskesin sý shaıyp ketti. Munda da zardap shekkender joq. Kólik qozǵalysy buzylǵan joq. Sý shaıǵan tustar lenta jáne jol belgilerimen qorshalyp, jergilikti atqarýshy organdardyń, polıtsııa departamenti jáne tótenshe jaǵdaılar bólimderiniń kúshterimen kezekshilik uıymdastyryldy. Eldi mekenderge qaýip joq», - dep habarlady vedomstvodan.

Eske sala keteıik, budan buryn Batys Qazaqstanda qar qatty erip, ózenderde sý tasýy yqtımal ekendigin jazǵan bolatynbyz.

Sondaı-aq Oral qalasynyń kósheleri sýǵa tola bastady.