Batys Qazaqstan oblysynda 50-ge jýyq maldy qoldy etkender ustaldy

ORAL. KAZINFORM – Batys Qazaqstan oblysynda mal urlyǵymen aınalysqan 4 adam qolǵa tústi. 

BQO polıtsııa departamentiniń krımınaldyq polıtsııa basqarmasynyń qyzmetkerleri Bókeı ordasy jáne Tasqala aýdandary polıtsııa bólimderimen birlese otyryp, jedel izdestirý is-sharalaryn júrgizý nátıjesinde qylmystyń betin ashty. 

Anyqtalǵanyndaı, 2024 jylǵy qarasha aıynan bıylǵy maýsymǵa deıin kúdiktiler Bókeı ordasy aýdany aýmaǵynda erkin jaıylymda júrgen iri qara malyn urlap kelgen. Barlyǵy 49 bas iri qara jymqyrylǵan. Mal ıelerine keltirilgen jalpy shyǵyn – shamamen 20 mln teńge. 

– Atalǵan fakti boıynsha qylmystyq is qozǵaldy. Kúdiktilerdiń ekeýi ýaqytsha ustaý ızolıatoryna qamaldy. Sonymen qatar olardyń mal urlyǵy boıynsha taǵy úsh qylmysqa qatysy bar ekeni belgili boldy. Qazirgi ýaqytta olardyń ózge de osyǵan uqsas qylmystarǵa qatysy bar-joǵy tekserilip jatyr, - dep habarlady vedomstvodan.

Eske sala keteıik, budan buryn Oral qalasynda 2 adamnyń sot sheshimimen bostandyqqa shyqqanyn jazǵan edik.