Batys Qazaqstan oblysynda 44 jylqyny urlaǵan barymtashylar toby ustaldy

ORAL. KAZINFORM – Batys Qazaqstan oblysynda byltyr jeltoqsan aıynda jaıylymda júrgen 44 jylqyny urlaǵan barymtashylar qolǵa tústi. 

барымташылар
Фото: БҚО полиция департаменті

BQO polıtsııa departamentiniń baspasóz qyzmetinen málim etkenindeı, oqıǵa oblys ortalyǵyna jaqyn aýdanda bolǵan. Kúdiktiler jylqylardy kórshiles aýdanǵa, ustalǵandardyń biriniń turǵylyqty jerine aıdap áketken. 

- Barlyq urlanǵan mal tárkilenip, ıesine qaıtaryldy. Keltirilgen zalal 17,6 mıllıon teńge boldy. Ustalǵandardyń ekeýi buryn mal urlyǵy úshin qylmystyq jaýapkershilikke tartylǵan. Top quramynda Oral qalasy men Batys Qazaqstan oblysy aýdandarynyń turǵyndary bolǵan. Qazirgi ýaqytta tergeý amaldary júrgizilip jatyr. Sondaı-aq atalmysh toptyń basqa da osyǵan uqsas qylmystarǵa qatystylyǵy tekserilýde. Kúdiktilerdiń úsheýi ýaqytsha ustaý ızolıatoryna qamaldy, - dep habarlady vedomstvodan.

Eske sala keteıik, budan buryn Batys Qazaqstan oblysynda mal urlyǵy jıilep ketkenin jazǵan bolatynbyz. 

Сейчас читают