Batys Qazaqstan oblysynda 245 shaqyrym joldy jóndeý aıaqtaldy
ASTANA. KAZINFORM – Batys Qazaqstan oblysynda Qaztalov, Jánibek jáne Bókeı ordasy aýdandaryn oblys ortalyǵymen baılanystyratyn jalpy uzyndyǵy 245 shaqyrym avtojoldy rekonstrýktsııalaý jáne kúrdeli jóndeý jumystary tolyq aıaqtaldy, dep habarlaıdy QazAvtoJol.
Joldardy jańǵyrtý Memleket basshysynyń Qazaqstan halqyna Joldaýynda oblysaralyq jáne aýdanaralyq avtojoldardy keń aýqymda jóndeý jóninde bergen tapsyrmalary aıasynda júrgizildi.
Atap aıtqanda, uzyndyǵy 142 shaqyrym bolatyn «Qaztalov – Jánibek – RF shekarasy» avtojoly rekonstrýktsııalanyp, taǵy 103 shaqyrymdyq «Ónege – Bısen – Saıqyn» avtojolynda tıisti jumystar júrgizildi.
– Qaztalov, Jánibek jáne Bókeı ordasy aýdandaryn oblys ortalyǵymen baılanystyratyn jalpy uzyndyǵy 245 shaqyrym joldaǵy rekonstrýktsııa jáne kúrdeli jóndeý jumystary 100% aıaqtaldy, – delingen aqparatta.
Joldardyń jóndelýi atalǵan aýdandar men oblys ortalyǵy arasyndaǵy kólik qatynasyn aıtarlyqtaı jaqsartty. Nátıjesinde turǵyndardyń oblys ortalyǵyna jetý ýaqyty eki eseden astam qysqarǵan.
Aıta keteıik, Batys Qazaqstanda jol ınfraqurylymyna 81,7 mlrd teńge salyndy.
