Batys Qazaqstan oblysynda 18 joldy tasqyn sý shaıyp ketti
ORAL. KAZINFORM – Batys Qazaqstan oblysynda búginge deıin 28 baǵyttaǵy jol jabylsa, sonyń 18-in sý shaıyp ketken. Onyń 4-eýi – oblystyq, 14-i – jergilikti mańyzy bar jol.
BQO polıtsııa departamentiniń baspasóz qyzmeti málim etkenindeı, jol qaýipsizdigin qamtamasyz etý baǵytynda patrýldik polıtsııa batalonynyń qyzmetkerlerimen statsıonarlyq beketter ornatyldy.
Qazirgi ýaqytta Aqtóbe oblysy Qobda aýdanynda trassany sý basýyna baılanysty Samara-Shymkent joly Terekti aýdany Jańaómir aýylynan Aqtóbe oblysyna deıin jabyq.
«Oblysta sý tasqynyna qarsy jedel shtab quramyna polıtsııa qyzmetkerleri de engizildi. Tártip saqshylary sý basqan jerlerde turǵyndarǵa qol ushyn sozýda. Ásirese, Qaratóbe, Syrym, Tasqala, Terekti, Bórli aýdandarynda adamdardy qutqarý, evakýatsııalaý jáne olardy arnaıy qosyndarǵa jetkizý, sýda qalǵan maldardy alyp shyǵý baǵytynda jumystar júrgizilip jatyr. Sondaı-aq polıtsııa qyzmetkerleri evakýatsııalanǵan eldi mekenderdegi azamattardyń múlkin qorǵaý úshin táýliktik kezekshilikter ornatyp, qaýipsizdikti qamtamasyz etý isin atqarýda. Jergilikti ákimdikter, polıtsııa jáne tótenshe jaǵdaılar organdary sý basqan nysandardy soryp alý jáne adamdardy qutqarý boıynsha jan-jaqty shara qoldanýda. Jalpy, sý tasqynynan qorǵaý jumystaryna oblys boıynsha 64 polıtsııa qyzmetkeri, 33 tehnıka jumyldyryldy», - dep habarlady vedomstvodan.
Eske sala keteıik, budan buryn BQO-nyń taǵy bir aýdanynda úıler sý astynda qalǵanyn jazǵan bolatynbyz.
Batys Qazaqstan oblysynda 430-dan astam úıge sý kirgen.