Batys Qazaqstan oblysynda 1 myńnan astam nysan múmkindigi shekteýli jandarǵa beıimdelgen
ASTANA. KAZINFORM — Múgedektigi bar adamdardyń zańdy quqyqtaryn qamtamasyz etý jáne olar úshin qoljetimdi ortany qalyptastyrý maqsatynda Batys Qazaqstan oblysynda 1182 áleýmettik ınfraqurylym nysany tolyq beıimdeldi. Bul týraly Eńbek jáne áleýmettik qorǵaý mınıstrligi málim etti.
Qazirgi ýaqytta Qazaqstan Respýblıkasynda 2025-2030 jyldarǵa arnalǵan ınklıýzıvti saıasat tujyrymdamasy, «Amanat» partııasynyń 2023-2027 jyldarǵa arnalǵan jol kartasy jáne Memleket basshysynyń tapsyrmasy boıynsha ázirlengen «Halyqpen birge» jobasy iske asyryldy.
«Amanat» partııasynyń jol kartasynda 2023-2027 jyldar aralyǵynda ınteraktıvti qoljetimdilik kartasyna (budan ári — Karta) engizilgen 42 myńnan astam nysandy beıimdeý boıynsha jumys kózdelgen. Jyl saıyn osyndaı obektilerdiń 20%-y beıimdelýi tıis. Osylaısha, 2023 jyly — Kartadaǵy obektilerdiń 20%, 2024 jyly — 40%, 2025 jyly — 60%, 2026 jyly — 80%, 2027 jyly — 100%-y beıimdeledi. Qazirgi ýaqytta el boıynsha 23206 nysan tolyqtaı beıimdelgen.
Búgingi tańda Batys Qazaqstan oblysynda 1182 nysan beıimdeldi. 2025 jyldyń sońyna deıin taǵy 59 nysandy beıimdeý josparlanýda.
Beıimdelgen nysandardyń jalpy sanynan múgedektigi bar adamdardyń barlyq sanattary úshin qoljetimdileri:
— densaýlyq saqtaý obektileri– 105;
— bilim berý nysandary — 443;
— mádenıet nysandary — 58;
— memlekettik jáne kvazımemlekettik uıymdar — 239;
— sport nysandary — 120;
— áleýmettik qorǵaý obektileri — 17;
— saýda nysandary menoıyn-saýyq ortalyqtary — 44;
— basqa da nysandar — 156.
— Men «Aqjaıyq» ońaltý ortalyǵyndamyn jáne munda múmkindigi shekteýli jandarǵa qajetti barlyq jaǵdaı jasalǵanyn atap ótkim keledi, mysaly, búıirlik joldar, pandýstar, sanıtarlyq toraptar bizdiń qajettilikterimizge laıyqtalǵan. Mundaı jaǵymdy jaǵdaı Oral qalasynda ǵana emes, oblystyń óńirlerinde de baıqalady, — deıdi Oral qalasynyń turǵyny, birinshi toptaǵy múgedek Baýyrjan Rahmetov.
Budan basqa, Batys Qazaqstan oblysy boıynsha halyqty áleýmettik qorǵaý salasyndaǵy retteý jáne baqylaý komıtetiniń departamenti 2025 jyldyń basynan bastap jospardan tys baqylaý sheńberinde 7 tekserý júrgizdi. Tekserý qorytyndysy boıynsha 4 nysanda buzýshylyqtar anyqtalyp, 943,7 myń teńge kóleminde ákimshilik jaýapkershilikke tartyldy.
Obektilerdiń menshik ıelerine profılaktıkalyq baqylaý júrgizý kezinde buzýshylyqtar alǵash ret anyqtalǵan kezde olardy ákimshilik jaýapkershilikke tartpaı, olardy joıý týraly nusqamalar ǵana engiziletinin atap ótý qajet.Nusqama belgilengen merzimde oryndalmaǵan jaǵdaıda aıyppul salynatyn bolady.