Batys Qazaqstan QHR-men yntymaqtastyqty keńeıtip jatyr
ORAL. KAZINFORM – Beıjińde birqatar strategııalyq memorandýmǵa qol qoıyldy.
Qytaı halyq respýblıkasyna jumys sapary aıasynda Batys Qazaqstan oblysynyń ákimi Narıman Tóreǵalıev qytaılyq bıznes ókilderimen birneshe kezdesý ótkizip, yntymaqtastyq týraly bes ekijaqty memorandýmǵa qol qoıdy. Qujattarǵa qol qoıý rásimi Qytaıdyń jetekshi kompanııalary basshylarynyń qatysýymen Qazaqstan Respýblıkasynyń Qytaı halyq respýblıkasyndaǵy elshiliginde ótti.
Bul sharalar Qazaqstan Respýblıkasynyń Prezıdenti Qasym-Jomart Toqaevtyń ınvestıtsııa tartý jáne óńirlerdiń ónerkásiptik áleýetin damytý jónindegi tapsyrmasyn oryndaý maqsatynda júrgizilip jatyr.
QHR astanasynda medıtsına, ónerkásip, energetıka, qurylys jáne gaz-hımııa salalaryn qamtıtyn bes memorandýmǵa qol qoıyldy:
«Cheng Tian Run Kang Medical Limited» kompanııasymen ózara yntymaqtastyq týraly memorandým — medıtsınalyq ınfraqurylymdy damytýǵa jáne densaýlyq saqtaý salasynda tehnologııalardy beıimdeýge baǵyttalǵan.
«Yino» halyqaralyq kompanııasymen (Gonkong) memorandým — ónerkásip sektorynda jáne aýyl sharýashylyǵy tehnıkasyn óndirý boıynsha birlesken jobalardy júzege asyrýdy kózdeıdi.
Vega Power kompanııasymen memorandým — energetıkalyq seriktestik jáne balamaly energııa kózderin engizý máselelerin qamtıdy.
Sunway Concept Limited- pen ózara túsinistik týraly memorandým turǵyn úı qurylysyn damytýǵa jáne qalalyq ınfraqurylymdy jańǵyrtýǵa baǵyttalǵan.
Foshan City Construction Engineering Co., Ltd. jáne «Zhaik Petroleum LTD» kompanııalarymen úshjaqty memorandým — BQO aýmaǵynda metanol óndiretin zaýyt salý týraly.
Qazaqstan Respýblıkasy Batys Qazaqstan oblysy ákimdigi, CHN Energy International Development Co., Limited jáne «Batys Paýer» JShS arasyndaǵy GTES-200 «Oral» stantsııasyn keńeıtý jobasyn iske asyrý boıynsha jol kartasy.
Narıman Tóreǵalıev QHR óńirdiń negizgi syrtqy ekonomıkalyq seriktesteriniń biri bolyp qala beretinin atap ótti. Qol qoıylǵan qujattar ınvestıtsııalardyń ósýine, jumys oryndarynyń ashylýyna jáne Batys Qazaqstannyń óndiristik áleýetin damytýǵa yqpal etetin jańa jobalarǵa bastama beredi.
— Prezıdenttiń qoldaýy, Úkimettiń júıeli jumysy jáne óńirdiń ashyqtyǵy bizge jańa óndirister men jumys oryndaryn qura otyryp, ınvestıtsııalyq jobalardy senimdi túrde ilgeriletýge múmkindik beredi. Qol qoıylǵan memorandýmdar — bul ózara is — qımyldyń naqty nátıjesi, — dep atap ótti Narıman Tóreǵalıev.
Ár baǵyt boıynsha salalyq vedomstvolar men ınvestorlardyń qatysýymen jeke is-qımyl jospary ázirlenetin bolady.
Bul kezdesý Qazaqstan Respýblıkasynyń Qytaı halyq respýblıkasyndaǵy elshiliginiń qoldaýymen uıymdastyryldy.