Batys Qazaqstan 2027 jyldyń sońyna deıin Birtutas elektr energetıkalyq júıege qosylady
ASTANA. KAZINFORM - Qazaqstan Respýblıkasy Energetıka mınıstrligi eldiń uzaqmerzimdi energetıkalyq táýelsizdigin qamtamasyz etý maqsatynda energııa júıesin jańǵyrtyp, jańa generatsııalaý qýattaryn iske qosý baǵytynda keshendi jumystar júrgizilip jatyr.
QR Energetıka mınıstrligi baspasóz qyzmetiniń habarlaýynsha, ulttyq elektr jelisiniń senimdi ári turaqty jumysyn qamtamasyz etý úshin «KEGOC» AQ jańa qýattardy engizýge baǵyttalǵan birqatar aýqymdy josparlarmen úılestirilgen jobalardy júzege asyrý ústinde.
Sonyń ishinde Batys Qazaqstannyń energııa júıesin Birtutas elektr energetıkalyq júıesimen (BEJ) biriktirý – strategııalyq mańyzy bar negizgi baǵyttardyń birine aınaldy. Joba aıasynda batys aımaq respýblıka aýmaǵy arqyly BEJ-diń negizgi bóligimen qosylady. Bul sheshim batys óńirlerdiń energetıkalyq qaýipsizdigi men táýelsizdigin qamtamasyz etedi. Sonymen qatar soltústik jáne ońtústik aımaqtar arasyndaǵy qýat teńgerimsizdigin óteý úshin manevrlik generatsııany tıimdi paıdalanýǵa múmkindik beredi. Joba sheńberinde uzyndyǵy 600 shaqyrymnan asatyn 500 kV elektr berý jelisi salynady. Josparǵa sáıkes, qurylys jumystary 2027 jyldyń jeltoqsan aıynda aıaqtalýy tıis.
Otandyq BEJ-diń Ońtústik aımaǵynyń elektr jelisin kúsheıtý baǵytynda «Soltústik–Ońtústik» tranzıtiniń «Almaty-Jambyl» ýchaskesinde ótkizý qabiletin 440 MVt-qa arttyrý jobasy iske asyrylýda. Bul jańa gaz elektr stansalary men jańartylatyn energııa kózderin (JEK) energııa júıesine ıntegratsııalaýǵa jaǵdaı jasaıdy. Joba aıasynda jalpy uzyndyǵy 475 shaqyrym bolatyn eki 500 kV elektr jelisi salynady. Nysandy paıdalanýǵa berý 2027 jyldyń maýsymyna josparlanǵan.
Sonymen qatar elordany energııamen qamtýdyń senimdiligin arttyrýǵa erekshe nazar aýdarylýda. Astanany syrtqy elektrmen jabdyqtaý syzbasyn kúsheıtý jobasy aıasynda jańa 500 kV tsıfrlyq qosalqy stansa salý kózdelgen. Bul megapolıstiń elektr energııasyna degen suranysyn qamtamasyz etip, jańa tutynýshylardy qosýǵa múmkindik beredi.
Qazaqstan Respýblıkasy Energetıka mınıstrligi eldiń uzaqmerzimdi energetıkalyq táýelsizdigin qamtamasyz etý maqsatynda energııa júıesin jańǵyrtyp, jańa generatsııalaý qýattaryn iske qosý baǵytynda keshendi jumystar júrgizýde.
Ulttyq elektr jelisiniń senimdi ári turaqty jumysyn qamtamasyz etý úshin «KEGOC» AQ jańa qýattardy engizýge baǵyttalǵan birqatar aýqymdy josparlarmen úılestirilgen jobalardy júzege asyrýda.
Sonyń ishinde Batys Qazaqstannyń energııa júıesin Birtutas elektr energetıkalyq júıesimen (BEJ) biriktirý – strategııalyq mańyzy bar negizgi baǵyttardyń birine aınaldy. Joba aıasynda batys aımaq respýblıka aýmaǵy arqyly BEJ-diń negizgi bóligimen qosylady. Bul sheshim batys óńirlerdiń energetıkalyq qaýipsizdigi men táýelsizdigin qamtamasyz etedi. Sonymen qatar soltústik jáne ońtústik aımaqtar arasyndaǵy qýat teńgerimsizdigin óteý úshin manevrlik generatsııany tıimdi paıdalanýǵa múmkindik beredi. Joba sheńberinde uzyndyǵy 600 shaqyrymnan asatyn 500 kV elektr berý jelisi salynady. Josparǵa sáıkes, qurylys jumystary 2027 jyldyń jeltoqsan aıynda aıaqtalýy tıis.
Otandyq BEJ-diń Ońtústik aımaǵynyń elektr jelisin kúsheıtý baǵytynda «Soltústik–Ońtústik» tranzıtiniń «Almaty-Jambyl» ýchaskesinde ótkizý qabiletin 440 MVt-qa arttyrý jobasy iske asyrylýda. Bul jańa gaz elektr stansalary men jańartylatyn energııa kózderin (JEK) energııa júıesine ıntegratsııalaýǵa jaǵdaı jasaıdy. Joba aıasynda jalpy uzyndyǵy 475 shaqyrym bolatyn eki 500 kV elektr jelisi salynady. Nysandy paıdalanýǵa berý 2027 jyldyń maýsymyna josparlanǵan.
Sonymen qatar elordany energııamen qamtýdyń senimdiligin arttyrýǵa erekshe nazar aýdarylýda. Astanany syrtqy elektrmen jabdyqtaý syzbasyn kúsheıtý jobasy aıasynda jańa 500 kV tsıfrlyq qosalqy stansa salý kózdelgen. Bul megapolıstiń elektr energııasyna degen suranysyn qamtamasyz etip, jańa tutynýshylardy qosýǵa múmkindik beredi.
Qazaqstannyń Birtutas elektr energetıkalyq júıesiniń tranzıttik áleýetti men ótkizý qabiletin arttyrý úshin «Soltústik–Ońtústik» turaqty tok jelisi salynady. Joba júzege asqan jaǵdaıda elektr energııasyn tasymaldaý kólemi 2 000 MVt-qa deıin ulǵaıady. Bul jańartylatyn energııa kózderin júıege tıimdi qosýǵa jáne júkteme artqan kezeńde energojúıeniń turaqtylyǵyn saqtaýǵa septigin tıgizedi.
Sonymen qatar «Almaty men Jetisý oblystarynyń elektr jelilerin damytý» jobasy iske asyrylady. Joba aıasynda eki óńirdiń energııa toraptary 220 kV áýe jelileri arqyly qosylady. Jalpy uzyndyǵy 400 shaqyrym bolatyn jeli salynyp, óńirlerde elektrmen jabdyqtaý senimdiligi kúsheıtiledi.
Aldaǵy ýaqytta Qaraǵandy qalasynda 500 kV qosalqy stansa salý jáne «Qaraǵandy – Astana» baǵytynda 500 kV elektr jelisin tartý josparlanyp otyr. Sonymen qatar «Qaraǵandy-Jezqazǵan-Qyzylorda-Shymkent» jobasyn iske asyrý, Batys energııa torabyn kúsheıtý jáne «Batys–Ońtústik» turaqty tok jelisin salý kózdelgen.
Jalpy, 2035 jylǵa deıin 6,6 myń shaqyrym jańa elektr jelisin iske qosý jáne 10,5 myń shaqyrym qoldanystaǵy jelilerdi qaıta jańǵyrtý josparlanǵan.
Barlyq jobalar energııa júıesin joǵary kerneýli jeliler arqyly tolyq saqınalaýdy aıaqtaýǵa baǵyttalǵan. Nátıjesinde Ulttyq elektr jelisiniń nysanaly topologııasy qalyptasady. Generatsııa kózderin damytý sharalarymen qatar eldiń tolyq energetıkalyq qaýipsizdigin qamtamasyz etip, ekonomıkanyń turaqty ósimine jol ashady.
Osyǵan deıin BQO-da teri óńdeıtin zaýyt iske qosylǵany týraly jazdyq.