Batys Altaı qoryǵynda qońyr aıý fototuzaqqa túsip qaldy
ASTANA. KAZINFORM — Batys Altaı memlekettik tabıǵı qoryǵynda fototuzaqqa qońyr aıý túsip qaldy. Qoryq aýmaǵynda ornatylǵan kamera jabaıy ańnyń adam joq kezdegi tirshiligin taspaǵa túsirgen.
Jabaıy janýarlar adamdy baıqaǵan sátte kóbine boı tasalap úlgeredi. Al táýlik boıy jumys isteıtin fototuzaqtar olardy mazalamaı, tabıǵı ortadaǵy áreketin baqylaýǵa múmkindik beredi.
Bul joly kamera obektıvine ormannyń iri turǵyny — qońyr aıý ilikken.
— Mundaı kadrlar qoryq mamandaryna janýarlardyń tirshiligin baqylap, olardyń meken etý ortasy týraly málimet jınaýǵa kómektesedi, — delingen habarlamada.
Eske salaıyq, buǵan deıin Naýyrzym qoryǵynda ornatylǵan fototuzaqqa jabaıy qaban túsip qalǵanyn habarlaǵanbyz.
