«Batyrlarǵa taǵzym» portalynyń qyzmeti keńeıtiledi – Aıda Balaeva

ASTANA. KAZINFORM – Byltyr elimizde batyrlargatagzym.kz portaly iske qosyldy. Atalǵan resýrsta 100 myńnan astam soǵys ardageri týraly aqparat bar.

— Ekinshi dúnıejúzilik soǵysy ardagerlerine qatysty málimetterdi birizdendirý jáne halyqtyń aqparatqa qoljetimdiligin qamtamasyz etý maqsatynda «Batyrlarǵa taǵzym» portalynyń qyzmeti keńeıtiledi. Portalda Qazaqstannyń jaýyngerleri týraly derekter memlekettik arhıvter men Qorǵanys mınıstrliginiń málimetteri negizinde ornalastyrylǵan, — dedi Aıda Balaeva elordada ótken ardagerler keńesiniń plenýmynda. 

Sondaı-aq vedomstvo basshysy Jeńistiń 80 jyldyq mereıtoıyn nasıhattaý maqsatynda medıa-jospardyń baryn aıtty. 

Buǵan deıin Aıda Balaeva «Batyrlarǵa taǵzym» portaly «e-Arhıv» júıesimen ıntegratsııalanatynyn aıtqan edi. 

Búgin elordada «Ardagerler uıymy» respýblıkalyq qoǵamdyq birlestigi ortalyq keńesiniń III plenýmy ótti. 

Bıyl Jeńistiń 80 jyldyǵyna oraı soǵys ardagerlerine 5 mln teńge kóleminde birjolǵy tólem beriledi. Búginde bes óńirde soǵys ardagerlerine tólem jasaldy. 

Eske salsaq, bıyl 1 sáýirdegi jaǵdaı boıynsha elimizde ekinshi dúnıejúzilik soǵysynyń 111 ardageri bar. 

Bıyl Jeńistiń 80 jyldyǵyna oraı el aýmaǵynda eki myńdaı is-shara ótedi. 

Sonymen qatar Jeńistiń 80 jyldyǵyna oraı elordada ótetin áskerı sherý barlyq respýblıkalyq telearna men LED ekrandardan tikeleı kórsetiledi.