Batyrlarǵa taǵzym: Almatyda 30 myńǵa jýyq adam Jeńis sherýine shyqty
ALMATY. KAZINFORM — Megapolıste «Batyrlarǵa taǵzym» estelik aktsııasy ótti.
Іs-shara soǵysqa qatysqan batyrlarǵa, tyl eńbekkerlerine jáne Jeńiske ólsheýsiz úles qosqan barlyq erjúrek azamattarǵa qurmet bildirýge múmkindik berdi. «Batyrlarǵa taǵzym» aktsııasyn áskerı úrmeli orkestr, Qurmet qaraýylynyń rotasy men ardagerler uıymdarynyń ókilderi bastap shyqty.
— Bıyl Uly Jeńistiń 80 jyldyǵy atap ótip jatyrmyz. Bul soǵysta Qazaqstan zor úles qosty. Maıdanǵa bir mıllıon eki júz myńnan astam jaýyngerimiz — atalarymyz, ákelerimiz attandy. Olardyń tek 600 myńy ǵana elge oraldy. Búgingi urpaq úshin azattyq pen jeńis jolynda, búgingi jarqyn ári táýelsiz Qazaqstanda ómir súrýimiz úshin janyn qıǵan erlerdi umytpaý — qasıetti paryz. Biz bul azamattardy árdaıym jadymyzda saqtaýymyz kerek, — dedi Qazaqstan Respýblıkasy Generaldar keńesiniń tóraǵasy, general-leıtenant Beksultan Sarsekov.
Aktsııa marshrýty Gogol kóshesiniń boıymen Ortalyq mádenıet jáne demalys parkinen bastap, 28 gvardııashy-panfılovshylar atyndaǵy saıabaqqa deıin jalǵasty. Shara Máńgilik alaý janyndaǵy Dańq memorıalyna gúl shoqtaryn qoıýmen aıaqtaldy. Bul sátte orkestrdiń súıemeldeýimen áskerı áýender oryndaldy. Aktsııaǵa 30 myńnan astam almatylyq qatysty.
Kolonnalardy bezendirý barysynda 500 memlekettik tý qoldanylyp, qatysýshylarǵa 10 myń dana Qazaqstan týy men 20 myń «Jeńis lentasy» taratyldy. Іs-sharany uıymdastyrýǵa 500 erikti jumyldyryldy.
Eske salaıyq, buǵan deıin Almaty-2 vokzalyna «tarıh poıyzy» keletinin jazǵanbyz.