Batyr Júkembaevtiń aldaǵy jekpe-jegi qashan bolatyny anyqtaldy

ASTANA. KAZINFORM - Qazaqstandyq kásipqoı boksshy Batyr Júkembaev ózbekstandyq Shohjahon Ergashevpen kezdesedi.

Bul boks keshi 9 mamyrda Ózbekstan astanasy Tashkent tórindegi Hýmo Arenada ótedi. Jekpe-jek All Stars Entertainment promoýterlik kompanııasynyń qoldaýymen júzege asady.

Batyr Júkembaev 1991 jyly dúnıege kelgen. Bokspen kásibı túrde Almatyda shuǵyldana bastady. Batyr jastar arasynda Qazaqstan chempıony, stýdentter arasyndaǵy Qazaqstan chempıony, Qazaqstan, Ýkraına, Fınlıandııadaǵy halyqaralyq týrnırlerdiń jeńimpazy boldy. Kásipqoı bokstaǵy alǵashqy qadamyn 2015 jyldan bastady.

Qazaqstandyq boksshy qazirge deıin 25 kezdesý ótkizip, 24-inde jeńiske jetti. Onyń ishinde 17-sin merziminen buryn támamdady. Al Shohjahon Ergashev 28 kezdesýdiń 26-da jeńiske jetip. 23 márte qarsylasyn nokaýtpen qapy qaldyrdy.

Aıta ketsek, Batyr Júkembaev sońǵy jekpe-jegin 2025 jyldyń 5 sáýirinde Astana qalasynda ótkizdi. Onda tóreshilerdiń biraýyzdan sheshimimen brıtanııalyq Keın Gardnerdiń osal tusyn tapty.