Batyl komanda — Qazaqstan quramasymen ótken oıyn jaıly belgııalyq fýtbolshylar pikir bildirdi
ASTANA. KAZINFORM – Esep iri jeńispen aıaqtalǵanyna qaramastan, Belgııa quramasynyń oıynshylary Kazinform agenttigine Qazaqstannyń jas quramasymen ótken oıyn ońaı bolmaǵanyn aıtty.
Qazaqstan quramasynyń qaqpasyna gol soqqan jáne «Manchester Sıtı» klýbynyń oıynshysy Djeremı Doký qazaqstandyqtardyń oıynnyń birinshi jartysynda jaqsy qorǵanǵanyn aıtty:
— Qazaqstan quramasy óte jaqsy oınady, ásirese alǵashqy jıyrma mınýtta. Olar jaqsy oıyn kórsetti. Maǵan 19-nómirli oıynshy (Dastan Satpaev) unady. Ony jeke tanymasam da, qyzyqty oıynshy ekenin baıqadym, — dedi Belgııa quramasynyń shabýylshysy.
Dj. Doký Qazaqstan quramasyna bolashaqta sporttyq damýǵa jetistikter tiledi.
Italııanyń «Atalanta» klýbynda oınaıtyn belgııalyq jartylaı qorǵaýshy Sharl De Ketelare de alǵashqy taımdaǵy Qazaqstan quramasynyń myqty qorǵanysyn atap ótti.
— Olardy birinshi taımda asha túsý qıyn boldy. Biraq biz gol soqqannan keıin óz oıynymyzdy taýyp kettik, — dedi Sh. De Ketelare.
Sondaı-aq, belgııalyq jartylaı qorǵaýshy Qazaqstan quramasynyń oıynshysy ıAn Vorogovskııdi Belgııa chempıonaty arqyly tanıtynyn jáne ol týraly jaqsy pikirde ekenin jetkizdi.
Belgııa quramasynyń jáne «Reındjers» klýbynyń jartylaı qorǵaýshysy Nıkolıa Raskın qazaqstandyq oıynshylardy «batyl komanda» dep atady. Sonymen qatar, ol Astanada ótetin jaýapty oıyndy da belgııalyqtar úshin ońaı bolady dep sanamaıtynyn aıtty.
Eske sala keteıik, buǵan deıin Qazaqstan men Belgııa quramalary arasyndaǵy matchtan keıin Qazaqstan quramasynyń shabýylshysy Dastan Satpaev arnaıy tilshige pikir bildirgen bolatyn.
Qazaqstan quramasy 2026 jylǵy fýtboldan álem chempıonatyna irikteý matchynda Belgııadan 0:6 esebimen jeńildi.
Oıynnan keıin Qazaqstan quramasynyń bas bapkeri otstavkaǵa ketetinin málimdedi.