Batalov Úkimet basshysyna Qyrǵaýyldy aýylyndaǵy sý tasqyny týraly málimdedi
ASTANA. QazAqparat - Almaty oblysyna jumys sapary barysynda QR Premer-Mınıstri Baqytjan Saǵyntaevqa óńir ákimi Amandyq Batalov Qarasaı aýdany Qyrǵaýyldy aýylyndaǵy sý tasqyny jaǵdaıy týraly málimdedi. Bul týraly QR Úkimetiniń baspasóz qyzmeti habarlaıdy.
Premer-Mınıstr Saǵyntaev oblys ákimi Batalovqa QR ІІM-men birlesip, oqıǵa saldaryn joıýdyń qajetti sharalaryn qabyldap, atalǵan máseleni erekshe baqylaýǵa alýdy tapsyrdy.
Eske sala keteıik, 27 sáýirde Almaty oblysy Qarasaı aýdany Qyrǵaýyldy aýyly arqyly aǵatyn aýylmen attas ózen jaýynnyń mol jaýýynyń saldarynan tasyp, sý deńgeıi kóterilgen bolatyn. Sonyń saldarynan Qyrǵaýyldy aýylynyń birqatar ýchaskesinde, sondaı-aq oblystyq mańyzǵa ıe «Almaty - Jandosova» trassasynda sý tasqyny oryn aldy.
