Batalondyq-taktıkalyq oqý-jattyǵýlary bastaldy - QR Qorǵanys mınıstrligi
El Prezıdenti - Qazaqstan Respýblıkasy Qarýly Kúshteriniń Joǵarǵy Bas qolbasshysynyń talabyna sáıkes, áskerlerdiń jaýyngerlik daıarlyǵyna basa nazar aýdarylyp otyr. Bıylǵy jylǵy is-sharalardyń barlyǵy Qazaqstan Respýblıkasy Qarýly Kúshteriniń 20-jyldyǵyn merekeleýge baılanysty ótkiziledi. QR Qorǵanys mınıstrliginiń málimetinshe,
Batalondyq-taktıkalyq oqý-jattyǵýlar Taldyqorǵannan bastaldy. Qatal klımattyq jaǵdaılarǵa qaramastan, «Kóktal» oqý ortalyǵyna Aeroutqyr áskerleri, Taldyqorǵan brıgadasynyń batalony jol tartty. Jeke quram jaýyngerlik daıarlyqqa keltirilip, oqý-jattyǵýlar ótkizý aýmaǵyna attandy. Sheshýshi kezeńdi 15-16 aqpanda ótkizý josparlanǵan. Manevrlerge 250 jaýynger-desantshy qatysady jáne shamamen 80 jaýyngerlik jáne arnaıy tehnıka tartylǵan.
Marshtan ótkennen keıin oqý-jattyǵýǵa qatysýshylar jaýyngerlik is-qımyldarǵa daıarlyqtaryn bastaıdy, osydan keıin urys áreketi aýdanyna shyǵyp, qorǵanys sharalaryna qatysady.
Oqý-jattyǵýlar jospary keń kólemde izdeý is-qımyldaryn júrgizýge daıarlyq, qorǵanysty uıymdastyrý, zańsyz qarýlanǵan quramalardy joıý boıynsha praktıkalyq is-sharalardy qamtıdy.
«Oqý-jattyǵýdy ótkizý barysynda jaýyngerlik tártipke, atys júıesine, jer jaǵdaıyn sheberlikpen paıdalanýǵa, atys, soqqy jáne manevrdi úılestire otyryp ıe bolǵan aýmaqty nyq saqtaýǵa jáne túnde belsendi jaýyngerlik áreketter júrgizýge erekshe kóńil bólinedi. Budan desantshy-áskerler jaqsy tájirıbe alady, sebebi dala - jaýyngerlik sheberlik mektebi», - deıdi qorǵanys vedomstvosy.