Basyna kirgen bambýk taıaǵyn 8 aı boıy baıqamaǵan
ASTANA. 19 jeltoqsan. Qaz Aqparat - Dárigerler egde jastaǵy qytaı áıeliniń basynda segiz aı boıy bambýk taıaǵy bolǵanyn anyqtady. 61 jastaǵy Fý Tszınfen beti men ústińgi jaq súıeginiń arasynda turyp qalǵan bóten zat týraly múlde bilmegen. Zeınetkerdiń týystary jeltoqsan aıynda Fý Tszınfenniń tamaq jegen kezde aýzyn erkin asha almaıtynyn baıqaǵan soń medıtsına qyzmetkerlerine habarlasady. Sondaı-aq, olardy áıeldiń betindegi segiz aıǵa jýyq ýaqyt boıy jazylmaǵan jara qatty alańdatqan, dep jazady utro.ru.
Hýnan provıntsııasynda ornalasqan Chansha qalasy aýrýhanasynyń dárigerleri Fý Tszınfenniń basyn skanerden ótkizip, emdelýshiniń betinde men ústińgi jaq súıeginiń arasynda turyp qalǵan uzyndyǵy 12 santımetrge jýyq bambýk taıaǵyn taýyp alǵan. Hırýrgtar zeınetkerdiń basynan bóten zatty alyp tastaý úshin ota jasady.
Fý Tszınfen qalaısha bambýk taıaǵynyń óziniń basynan tabylǵanyn aıta almaǵan. Tek qana oqıǵa bıylǵy jyly sáýirde oryn alǵany belgili.
