Basyn aýystyrmaq bolǵan reseılik AQSh-qa attanǵaly jatyr
ASTANA. QazAqparat - Basyn aýystyrýǵa bel býǵan alǵashqy úmitker, baǵdarlamashy Valerıı Spırıdonov AQSh-qa attanbaq. Onda eksperımentti bastaý týraly konferentsııa ótpek.
AQSh-qa eń kerek degen zattarymdy ǵana alamyn, óıtkeni júgimdi kóterip júretin adam joq. Mende tek ishinde arba kamerasy, uıaly telefon, aýystyratyn kıim, kredıt kartochkasy bar kishkene ǵana ıyqqap bolady», - deıdi Spırıdonov. 30 jastaǵy Valerıı Spırıdonov sırek kezdesetin týa bitken arqanyń bulshyqet atrofııasyna shaldyqqan. Dárigerler operatsııany 2016 jylǵa josparlap otyr. Ony ıtalıandyq hırýrg Serdjıo Kanavero jasamaq, dep habarlaıdy 24.kz.
