Basy qatty qysyp aýyrǵan brazılııalyqtyń mıynan tas tabyldy
ASTANA. QazAqparat - Basy qatty aýyrǵan brazılııalyqtyń mıynan tas shyqty, dep habarlaıdy meddaily.
Er adamnyń basy qatty qysyp aýyrǵanymen qosa, kózi de nashar kóre bastaǵan. Ol dárigerge alǵashqy belgiler biline bastaǵan kezden bastap 10 jyldan keıin biraq kóringen, tekserý barysynda naýqastyń mıynda kaltsııden jınaqtalǵan tas tárizdes túınek bar ekeni anyqtaldy.
Dárigerler ony tselıakııadan asqyný saldarynan paıda bolǵan túınek dep tapty. Tselıakııa (glıýtendik enteropatııa) - mýltıfaktorıaldyq aýrý, quramynda glıýten (balaýyz) aqýyzy jáne bıdaı, arpa, suly sııaqty astyq tuqymdastarda kezdesetin aqýyzy (avenın, gordeın jáne t.b.) bar keıbir taǵamdardan ash ishektiń búri zaqymdanǵannan bolǵan as qorytý júıesiniń buzylýy.
Dárigerler naýqasqa erekshe tamaqtaný rejimin ázirledi, odan naýqas tolyq jazylyp ketpese de, jaǵdaıy edáýir jaqsarady dep kútilýde.
