Basy daýǵa qalǵan Baqtııar Artaev bunyń bári «bireýlerdiń arandatýshylyq áreketi» deıdi
ASTANA. QazAqparat - Kesheli-beri ǵalamtor betterinde Baqtııar Artaev boıjetkendi uryp jyqty degen aqparattyń qaýlap ketkeni ras. Alaıda Afıny olımpıadasynyń chempıony eshkimdi urmaǵanyn málimdedi. 7-arnaǵa telefon arqyly túsinik bergen olımpıada chempıony bul jaǵdaıdy "bireýlerdiń arandatýshylyq áreketi" deıdi.
Sondyqtan jaqyn ýaqytta ýshyqqan máseleniń anyq-qanyǵyna jetip, oqıǵanyń aq-qarasyn anyqtamaqshy. Alaıda boksshydan taıaq jegen boıjetken Bahtııar Artaevty sotqa berýge bekinip otyr. «Jalpy ol qyzdyń ne maqsatpen ondaı istep otyrǵanyn men shynyn aıtsam shamaly túsinbeı turmyn. Biraq, endi ramazan aıynda bireýge kiná taqqannan aýlaqpyz ǵoı. Sondyqtan da, ol qyzben birinshi kezdesip anyqtap alaıyn. Kóziniń jasyn tógip, jaqsylap sóılegenge sheber eken. Degenmen kózbe-kóz sóılesip, aq-qarasyn aıyryp alǵanymyz jón», - dedi B. Artaev. Alaıda "boksshydan ońbaı taıaq jedim" dep júrgen Aısulý Ibrashova "Artaevpen kezdesýden bas tarttym", - deıdi. Óıtkeni, "taǵy da taıaqtyń astynda qalamyn ba" dep qorqyp otyrǵan kórinedi. Sondyqtan máseleni tek sot arqyly sheshýge bel býypty.
