Basy daýǵa qalǵan Almaty oblysynyń bas sanıtarlyq dárigeri halyqtan keshirim surady
TALDYQORǴAN. QazAqparat - Almaty oblysyna jańadan taǵaıyndala salysymen basy daýǵa qalǵan bas sanıtarlyq dáriger ne sebepti halyqpen dóreki sóıleskenin túsindirdi, dep habarlaıdy QazAqparat tilshisi.
«Ol jerde shyn mánisinde qarapaıym tilmen túsindirgim keldi. Sony basqa jaǵynan burmalap jibergen eken. Eger shyn mánisinde syrttaı solaı kórinip turǵan bolatyn bolsa, men halqymnan, elimnen keshirim suraımyn. Moınymen aıtqan, istegendi moınyńmen kóterý kerek. Biraq bul jerde shyn mánisinde balaǵattaıtyndaı, bireýdiń ar-namysyna tıetindeı áńgime bolǵan joq».
Halyqtyń synyna qalǵan Erǵalı Sydymanov Almaty oblysynyń sanıtarlyq-epıdemıologııalyq basqarmasyn 2005 jyldan 2019 jylǵa deıin, ıaǵnı týra 14 jyl basqarǵan. Al byltyr Mańǵystaý oblysyna dál osy qyzmet boıynsha aýysyp, ol jaqta bir jyl basshylyq laýazymda bolyp, keshe ǵana Almaty oblysyna qaıta kelgen. Mańǵystaý oblysynda ol tipti «Úzdik memlekettik qyzmetshi» tósbelgisimen de marapattalypty. Kásipkerlerge «basymdy qatyrmashy» degen Bas sanıtar dárigerdiń taǵdyry qalaı bolatynyna endi tıisti organdar bas qatyratyn bolady.
Esterińizge sala keteıik, Almaty oblysyna jańadan taǵaıyndalǵan Bas sanıtarlyq dárigerdiń kásipkerlermen sóılesken vıdeosy jelige tarap, halyqtyń ashýyn týdyrdy. Densaýlyq saqtaý mınıstrliginiń resmı ókili Baǵdat Qojahmetov Erǵalı Sydymanovtyń halyqpen sóılesý ádebi boıynsha tekserý bastalǵanyn málimdedi.
Sondaı-aq, kásipkerlerge «basymdy qatyrmańdar» degen memlekettiń qyzmetshisiniń ústinen tártiptik is qozǵalǵanyn buǵan deıin de habarlaǵan bolatynbyz.
