Basy birikpegen jeke sharýashylyqtar máselesi durys kóterilip otyr - Aqylbek Kúrishbaev

NUR-SULTAN. QazAqparat - QR Parlament Senatynyń depýtaty Aqylbek Kúrishbaev búgingi Prezıdent Joldaýyna qatysty pikir bildirdi, de,p habarlaıdy QazAqparat Senattyń baspasóz qyzmetine silteme jasap.

Onyń sózine sensek, Joldaýda Memleket basshysy aýyl sharýashylyǵy salasy týraly kóp nárse aıtqan.

«Shynynda, maǵan unaǵan jeri - kooperatıv qurý, qosalqy sharýashylyqty damytý máselesi boldy. Qosalqy sharýashylyqty eldi mekenniń jaǵdaıynda bizde maldyń 70 paıyzy sonda tur. Biraq ókinishke qaraı, bizde 188 mıllıon gektar jaıylym jeri bar. Sol maldy qamtamasyz ete alatyn. Eger sol maldy jınap, kooperatsııa quryp, jaıylymdar men shabyndyq jerlerdi beretin bolsa, bizde maldyń, ettiń, súttiń kólemi 30 paıyzǵa ósedi» deıdi depýtat.

Senatordyń aıtýynsha, bul - memlekettiń bıologııalyq aktıvi, biz ony qorǵaýymyz kerek.

«Eger bul másele sheshimin tapsa, onda aýyldyń ekologııalyq máselesi sheshiledi. Bul - aýyldaǵy ekonomıkalyq damýdyń birinshi qarqyny deýge bolady. Sondyqtan biz osy máseleni qolǵa alýymyz kerek» deıdi Aqylbek Kúrishbaev.