«Basty ról» atty jańa otandyq fılmderge telejoba bastaý almaq
ASTANA. 20 qazan. QazAqparat - 28 qazanda «Basty ról» atty jańa telejoba bastaý alady, dep habarlady Sh.Aımanov atyndaǵy «Qazaqfılm» AQ-nyń baspasóz qyzmeti.
Jobanyń uıymdastyrýshylary Sháken Aımanov atyndaǵy «Qazaqfılm» AQ, «NTK» telearnasy men MG Production prodıýserlik ortalyǵy.
«Basty ról» telejobasy - bul jańa otandyq fılmderge jarııalanǵan ashyq kastıng. Jobaǵa jasy 16-ǵa tolǵan, óz kúshine senimdi daryndy jandar qatysa alady. Birneshe satydan quralǵan jobanyń qatysýshylary elimizdiń eń úzdik sahna jáne ekran sheberlerinen dáris alýǵa múmkindik alady. Nátıjesinde, qazylar alqasy júzden júırik, myńnan tulpardy anyqtaıtyn bolady. Jobanyń barlyq irikteý kezeńderi men akterlyq sheberlik dáristeri telearnadan kórsetilmek. Sondyqtan da telekórermender synǵa túsken qatysýshylardyń alǵashqy qadamdarynan bastap, basty rólge taǵaıyndalyp, jeńimpaz atalýyna deıingi aýyr joldy kórip-tamashalaı alatyn bolady. Sonymen qatar, eń harızmalyq jáne daryndy eki qatysýshy akterlyq sheberlikten dáris alýǵa álemdik kınoındýstrııanyń júregi - Hollywood-qa joldama alady.
Tolyq málimet www.kazakhfilmstudios.kz jáne www.glavrol.kz saıttarynda.
