Basty nazarda - ruqsat berý júıesin jetildirý men kóliktegi baqylaý máseleleri - Kólik jáne kommýnıkatsııa mınıstrligi
ASTANA. 19 mamyr. QazAqparat - Búgin QR Kólik jáne kommýnıkatsııa mınıstri B. Kamalıev ruqsat berý júıesin jetildirý men kóliktegi baqylaý máseleleri boıynsha otyrys ótkizdi, dep habarlaıdy QR Kólik jáne kommýnıkatsııa mınıstrliginiń baspasóz qyzmeti.
Otyrysqa «Atameken odaǵy» Ulttyq ekonomıkalyq palatasy jáne kólik-kommýnıkatsııalyq assotsıatsııalardyń basshylary qatysty.
Otyrys barysynda halyqaralyq jáne ishki tasymaldaýdy júk jáne jolaýshy kólikterimen júzege asyrylý kezindegi ruqsat berý júıesiniń qyzmet etý mehanızmi, qazirgi qoldanystaǵy zańnamaǵa ózgertýler men tolyqtyrýlar engizý, sondaı-aq, kóliktik baqylaý organdaryndaǵy sybaılas jemqorlyqqa qarsy áreket etý máseleleri qaraldy.
QR kólik jáne kommýnıkatsııa mınıstrliginiń kóliktik baqylaý komıtetiniń tóraǵasy Ádilet Bármenqulov kóliktik baqylaý organdary júıesinde júrgizilip jatqan reformalar, ruqsat berý qujattaryn qysqartý, 22 statsıonar posttaryn konservatsııalaý, birqatar baqylaý-qadaǵalaý qyzmetterdi avtomattandyrý týraly aqparat berdi.
Otyrystyń qorytyndysy boıynsha, kólik vedomstvosynyń basshysy B.Kamalıev aǵymdaǵy aıdyń aıaǵyna deıin statsıonarlyq beketterge, avtokólik quraldary saparlarǵa kezdeısoq jiberiletin jerlerge «Nur Otan» HDP, «Atameken» Odaǵy» UEP jáne qoǵamdyq birlestikterdi tarta otyryp, reıdtik tekserister júrgizýdi tapsyrdy.
Sonymen qatar, assotsıatsııalarǵa baqylaý-qadaǵalaý qyzmeti men ruqsat berý júıelerin optımızatsııalaý jaǵynan óz usynystaryn engizý usynyldy.
