Basty mindetimiz - ekonomıkanyń ósý qarqynyn saqtaý, azamattardyń ál-aýqatyn arttyrý, jumys oryndaryn ashý - B.Saparbaev
ASTANA. QazAqparat - Bizdiń eń basty mindetimiz - ekonomıkalyq ósý qarqynyn saqtaý, azamattardyń ál-aýqatyn joǵarylatý jáne jańa jumys oryndaryn ashý arqyly jumyspen qamtý máselesin sheshý, sondaı-aq, áleýmettik-mańyzy bar taýarlarǵa baǵany ustap turý, dep atap ótti Aqtóbe oblysynyń ákimi Berdibek Saparbaev óńir jurtshylyǵyna arnaǵan Jańajyldyq quttyqtaýynda.
«Qymbatty aqtóbelikter!
Jańa - 2016 jyl qutty bolsyn!
Ótken jyl mańyzdy oqıǵalarǵa toly boldy. Konstıtýtsııanyń 20 jyldyǵyn, Qazaqstan halqy Assambleıasynyń 20 jyldyǵyn, Uly Jeńistiń 70 jyldyǵyn jáne Qazaq handyǵynyń 550 jyldyǵyn atap óttik.
Memleket basshysy «Qazaqstan jańa jahandyq ahýalda: ósý, reformalar, damý» atty Qazaqstan halqyna Joldaýyn jarııa etti, daǵdarysqa qarsy jasalatyn is-áreketterimizdi naqtylap, odan shyǵýdyń joldaryn kórsetti.
Óz kezeginde aqtóbelikter de qazaqstandyq ekonomıkany damytýǵa zor úlesterin qosyp keledi.
Bizdiń eń basty mindetimiz - ekonomıkalyq ósý qarqynyn saqtaý, azamattardyń ál-aýqatyn joǵarylatý jáne jańa jumys oryndaryn ashý arqyly jumyspen qamtý máselesin sheshý, sondaı-aq, áleýmettik-mańyzy bar taýarlarǵa baǵany ustap turý.
Oblys aýmaǵynda ónerkásip óndirisin damytý, jańa tehnologııalardy keńinen engizý, áleýmettik salany nyǵaıtý baǵytynda aýqymdy mindetter iske asyrylyp jatyr.
Qurmetti jerlester! Árbir adam balasy Jańa jyl aldynda ótkendi tarazylap, aldan úlken úmit kútedi. Sol úmitterimiz aqtalsyn! Qazaqstan Respýblıkasy Táýelsizdiginiń 25 jyldyǵymen tuspa-tus kelip turǵan 2016 jyl elimiz eńse tiktegen, jańa múmkindikterge jol ashqan jyl bolsyn!
Jańa jyl árbir shańyraqqa amandyq, qut-bereke, yrys-nesibesimen kelsin!»
Іzgi tilekpen, oblys ákimi Berdibek SAPARBAEV
