Basty mindet - ardagerlerge rýhanı jaǵynan barynsha qoldaý kórsetý

ASTANA. Qyrkúıektiń 9-y. QazAqparat /Arman Asqarov/ - Búgin Astanadaǵy Qarttar men múgedekterge arnalǵan medıtsınalyq-áleýmettik mekemesinde Uly Otan soǵysy ardagerleri stýdent-jastarmen kezdesti, dep habarlaıdy QazAqparat.

«Ardagerlerdi ardaqtaıyq» aktsııasy aıasyndaǵy is-shara barysynda qarttar úıindegi ardagerler zulmat soǵys jyldarynan estelikter aıtyp, jastardy týǵan elin bilektiń emes, biliktiń kúshimen qorǵaýǵa shaqyrdy. Іs-sharanyń uıymdastyrýshysy - «Órleý shyńy» qoǵamdyq birlestiginiń tóraǵasy Damır Nurlanovtyń aıtýynsha, kezdesýdiń negizgi maqsaty - qarttar úıindegi soǵys ardagerlerine kóńil bólip, olardyń estelikterinen taǵylym alý. «Árıne, biz qandaı da bir qarjylaı kómek bere almasaq ta, bizdiń ardaqty ardagerlerimizge rýhanı jaǵynan barynsha qoldaý kórsetýge tyrysamyz. Budan basqa bizdiń uıymǵa múshe jastar ardager qarııalarmyzdyń úıleri men aýlalaryn jınap, jan-jaqty turmystyq kómek kórsetip keledi», - deıdi D.Nurlanov.