Basty meje -Sochı olımpıadasyna 40-tan astam lıtsenzııa utyp alý - T. Esentaev
ASTANA. 5 jeltoqsan. QazAqparat - Qazaqstan Sochı olımpıadasyna 10 sport túrinen 40-tan astam lıtsenzııa utyp alýdy josparlaýda.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Tastanbek Esentaev málim etti.
Onyń atap ótýinshe, qazirgi kúni sportshylar sporttyń 7 túrinen 33 qazaqstandyq sportshy olımpıada oıyndaryna qatysý quqyǵyn jeńip aldy.Degenmen olar olımpıadaǵa deıin jeńip alǵan lıtsenzııalaryn qýattaý úshin álem kýboktarynyń barlyq kezeńderine qatysýy tıis.
«Tolyqtaı alǵanda lıtsenzııalyq kezeń aıaqtalǵanǵa deıin sporttyń 10 túrinen 40-tan astam lıtsenzııa utyp alýdy josparlaýdamyz. Eldiń olımpıadalyq quramasyn jasaqtaý atletterdiń fızıkalyq daıyndyq deńgeıin, olardyń psıhologııalyq turaqtylyǵyn, sondaı-aq qorytyndy irikteý kezeńderiniń jáne dopıngige qarsy baqylaýdyń nátıjeleri eskerile otyryp kelesi jyldyń qańtaryna deıin jalǵasatyn bolady »,-dedi T. Esentaev.
Esterińizge sala keteıik, Vankýberde ótken qysqy olımpıada oıyndarynda qazaqstandyq sportshylar sporttyń 8 túrinen 37 lıtsenzııa jeńip alǵan bolatyn.
