Basty maqsat - sybaılastyqtyń jolyn kesý
AQTÓBE. QazAqparat - Qazaqstan Respýblıkasy Densaýlyq saqtaý jáne áleýmettik damý mınıstrligi Eńbek, áleýmettik qorǵaý jáne kóshi-qon komıtetiniń Aqtóbe oblysy boıynsha departamentiniń sybaılas jemqorlyqtyń aldyn alýǵa baǵyttalǵan is-qımyl sharalary, Ádep kodeksi talaptaryn saqtaýy Qazaqstan Respýblıkasynyń Densaýlyq saqtaý jáne áleýmettik damý mınıstrliginiń memlekettik aýmaqtyq organy retinde, eń aldymen azamattardyń konstıtýtsııalyq quqyqtaryn qorǵaý jáne departament qyzmetine azamattardyń senimin arttyrýǵa baǵyttalǵan.
Departament memlekettik qyzmetter kórsetýde basymdy strategııalyq baǵyttardyń biri sybaılas jemqorlyqqa qarsy is-qımyl jolynda jedel ári qaýyrt sharalar qabyldaıdy, dep jazady «Aqtóbe» basylymy.
Sybaılas jemqorlyq kórinisteriniń paıda bolýyna jol bermeý maqsatynda júıeli ári josparly jumystar júrgizý úshin oblys ákiminiń 2015 jylǵy 23 maýsymdaǵy №222 qaýlysymen departamentte «Sybaılas jemqorlyqqa qarsy is-qımyl jónindegi 2015-2017 jyldarǵa arnalǵan baǵdarlama» jasaldy. Atalǵan baǵdarlamadaǵy is-sharalardy júzege asyrý maqsatynda oryndaýǵa jaýapty tulǵalardyń jumystary óz merziminde jalpy jınalysta tyńdalyp, bekitildi.
Sybaılas jemqorlyqtyń aldyn alý, boldyrmaý maqsatynda aǵymdaǵy jyldyń aqpan aıynda departament basshysy men bólim basshylarynyń memlekettik qyzmetter kórsetýde sybaılas jemqorlyqqa qarsy júrgizetin jumystaryn tyńdaý úshin «Sybaılas jemqorlyqqa qarsy kúres kúnderi» ótkizildi. Sybaılas jemqorlyqqa qarsy kúnderin ótkizýde departament qyzmetshileriniń memlekettik qyzmetter kórsetýde jaýapkershilikteri artyp, jumys berýshi men turǵyndar arasynda nasıhat jumystary belsendi júrgizildi. Bul sharany ótkizýdegi basty maqsat - eń aldymen, turǵyndarǵa kórsetiletin memlekettik qyzmetterdiń sapasyn jáne departament jumysynyń aıqyndylyǵyn ári ashyqtyǵyn arttyrý.
Departament qyzmetkerlerimen bekitilgen kestege sáıkes aýdandardaǵy kóshpeli otyrystarda Prezıdenttiń 2014 jylǵy 26 jeltoqsandaǵy №986 «Qazaqstan Respýblıkasynyń sybaılas jemqorlyqqa qarsy 2015-2025 jyldarǵa arnalǵan strategııasy» Jarlyǵy qosa keńinen nasıhattalýda. «100 naqty qadam» Ult jospary, sybaılas jemqorlyqtyń kez kelgen kórinisterine tózbeýshilik jaǵdaıyn jasaý jáne qoǵamda sybaılas jemqorlyqqa qarsy mádenıetti qalyptastyrý, memlekettik qyzmetshilerdiń quqyqtyq saýattylyǵyn jáne sybaılas jemqorlyqqa qarsy mádenıetin arttyrý máseleleri Qazaqstan Respýblıkasy Memlekettik qyzmet isteri mınıstrliginiń Aqtóbe oblysy boıynsha departamenti, sybaılas jemqorlyqqa qarsy is-qımyl ulttyq bıýrosynyń (sybaılas jemqorlyqqa qarsy qyzmetiniń) ókilderiniń qatysýymen departamentte jalpy jınalystarda keńinen baıandalýda.
2015-2025 jyldarǵa arnalǵan sybaılas jemqorlyqqa qarsy is-qımyl jónindegi partııalyq baǵdarlamasyn júzege asyrýda «Nur Otan» partııasynyń oblystyq fılıaly úlken jumystar atqarýda. Partııanyń oblystyq fılıalymen birlesip, azamattardy qabyldaý kestesine sáıkes aǵymdaǵy jyly partııanyń qoǵamdyq qabyldaý bóliminde sybaılas jemqorlyqqa qarsy profılaktıkalyq aldyn alý sharalary ótkizildi. Bul shara kezinde Eńbek, áleýmettik qorǵaý jáne kóshi-qon komıtetiniń Aqtóbe oblysy boıynsha departament basshylyǵy azamattardy qabyldady.
Azamattar áleýmettik jáne zeınetaqymen qamsyzdandyrý, múgedektik tobyn belgileý jáne múgedektikti ońaltý, sanatorlyq-kýrortty demalys oryndarymen jáne ońaltý quraldarymen qamtamasyz etý suraqtary boıynsha júginip, departament qyzmetkerleriniń zańsyz áreketterine, sonyń ishinde, sapasyz kórsetilgen memlekettik standartty qyzmetterge, sonymen qatar departament quzyryna kiretin máselelerge qatysty memlekettik uıym qabyldaǵan sheshimderge óz aryz-shaǵymdaryn bildirý múmkindikterin ıemdendi.
Eńbek, áleýmettik qorǵaý jáne kóshi-qon komıtetiniń Aqtóbe oblysy boıynsha departamenti sybaılas jemqorlyqqa qarsy is-qımyl jumystaryn, atap aıtqanda, sybaılas jemqorlyq jaǵdaılary men sebepteriniń paıda bolýyna jol bermeý, olardyń aldyn alý, jolyna tosqaýyl qoıý jáne olardy eskerte otyryp joıý baǵytynda óz jumystaryn júrgizýde.
A.QURMANBAEVA
