Básteseıik, utylsam «shápkemdi» jep qoıamyn
ASTANA. QazAqparat - Ádette «mundaı jaıt oryn alar bolsa, shápkemdi jep qoıamyn» degen tirkesti eshkim de tikeleı maǵynada túsinbeıtini anyq.
Degenmen «shápke jegish» nıkin ıelengen azamat búkil álem aldynda óz bas kıimin jep qoıdy. Bitcoin vırtýraldy valıýtasynyń baǵamyna oraı dosymen bástesken ol utylǵannan keıin maqta shápkesin azyq qylýyna týra keldi, dep habarlady The Telegraph.
Ǵalamtorda jarııa etilgenine nebári eki kún bolǵan vıdeony 120 myńǵa jýyq adam tamashalaǵan. Basty keıipkerdiń aıtýyna qaraǵanda, ol mundaı qadamǵa dosymen vırtýaldy valıýta baǵamynyń bir danasynyń myń dollardan tómen túspeıtindigine bás tikkennen keıin barǵan. Aıta keterligi, bástesý oryn alǵannan keıin-aq bıtkoın baǵamy quldyrap ketken edi.
Básekege túsýge qumar azamat óz shápkesin úsh bólikke bólip, odan býterbrod jasap, 45 mınýtta jep taýysqan. Búginde YouTube paıdalanýshylary onyń densaýlyǵyna alańdaýshylyq tanytýda.
Aıta keterligi, bás tigip, sózin jerde tastamaýǵa tyrysqan álemdegi jalǵyz azamat bul emes. Taıaýda ǵana Rýmynııa turǵyny dosyn tańqaldyrý úshin shanyshqyny jutyp qoıǵan bolatyn.
