Bastaýysh synyptarǵa «Quqyq negizderi» páni engizile me – Úkimet basshysy usynysqa jaýap berdi

NUR-SULTAN. QazAqparat – Bastaýysh synyptyń oqýshylaryna «Quqyq negizderi» pánin engizgen jón be? Senatorlardyń bul usynysyna Asqar Mamın jaýap berdi, dep habarlaıdy QazAqparat tilshisi.

Aıta ketsek buǵan deıin senatorlar qoǵamda bala quqyǵy jıi buzylatynyn aıta kele oqýshylardyń quqyq salasyndaǵy bilimin jetildirý bastamasyn kótergen bolatyn. Depýtattardyń aıtýynsha mekteptegi jalpy bilim berý baǵdarlamasyna Adam quqyqtarynyń negizderi men olardy qorǵaý quraldary týraly praktıkaǵa baǵyttalǵan pándi engizý múmkindigin qarastyrý kerek.

Bul suraqqa jaýap bergen Premer-Mınıstr jańartylǵan bilim berý mazmunynyń sheńberinde 9 synypta aptasyna 1 saǵattan, 10 jáne 11-synypta jaratylystaný-matematıkalyq baǵytta 2 saǵattan, 10 jáne 11-synypta qoǵamdyq-gýmanıtarlyq baǵytta 3 saǵattan, jaratylystaný-matematıkalyq baǵytta 2 saǵattan, qoǵamdyq-gýmanıtarlyq baǵytta 3 saǵattan jańa «Quqyq negizderi» páni engizilgenin málim etti. Odan bólek bastaýyshtar deńgeıinde «Dúnıetaný» («Quqyqtar men mindetter»), «Ózin-ózi taný» pánderi, negizgi orta bilim deńgeıinde «Qazaqstan tarıhy» páni oqytylady.

«Bul rette bilim berýdiń jańartylǵan mazmuny boıynsha baǵdarlamalyq materıal spıraldylyq qaǵıdaty boıynsha zerdelenedi. ıAǵnı quqyq máseleleri boıynsha negizgi taqyryptar jas erekshelikterin eskere otyryp, neǵurlym kúrdeli deńgeıde qaıtalanady. Oqý protsesinde oqýshylar jeke adamnyń quqyqtaryna, bostandyqtaryna, mindetterine qurmetti, óz pozıtsııalaryn qorǵaı bilýdi, demokratııalyq quqyqtardy durys paıdalanýdy, qoǵam aldyndaǵy jaýapkershilikti sezinýdi, zańdylyqty qorǵaýǵa degen qajettilikti qalyptastyrady», - deıdi Úkimet basshysy.

Asqar Mamın jańartylǵan bilim berý mazmuny boıynsha sabaqtar praktıkaǵa baǵyttalǵan belsendi oqytý ádisterin qoldana otyryp júrgiziletinin atap ótti. Sondaı-aq ishki ister organdary mektepterde kámeletke tolmaǵandardyń quqyqtaryn qorǵaý máseleleri boıynsha turaqty aqparattyq jumys júrgizetinin jetkizdi.

«Jeke quqyqtarmen baılanysty máseleler oqýshylardyń quqyqtyq mádenıetin úzdiksiz qalyptastyra otyryp, bilim berýdiń barlyq deńgeılerinde zertteletinin eskere kele bastaýysh synyptarǵa «Quqyq negizderi» jeke pánin engizý orynsyz dep sanaımyz», - deıdi Asqar Mamın.