Bastaýysh synyptarǵa qazaqtyń salt-dástúri týraly qosymsha sabaq engizý usynyldy

ATYRAÝ. QazAqparat – Bastaýysh synyptarǵa qazaqtyń dástúri týraly qosymsha sabaq engizý usynyldy, dep habarlaıdy QazAqparat.

Bul týraly Parlament Májilisiniń depýtaty, Qazaqstan halqy Assambleıasynyń múshesi Ǵanı Tashqaraev pedagogtarmen jáne jastarmen kezdesýde málim etti.

«Parlament Májilisiniń depýtattary arasynda bastaýysh synyp oqýshylaryna «Qazaqtyń salt-dástúri» atty qosymsha sabaq engizý máselesi talqylandy. Óıtkeni, qazaq elinde dúnıege kelgen ár bala óz salt-dástúri men tarıhyn erte jastan bilýi tıis», - dedi Májilis depýtaty Ǵanı Tashqaraev.

Kezdesýde etnosaralyq qarym-qatynas, pedagogtardyń jalaqysyn kóterý sekildi máseleler qozǵaldy.

«Ár qazaqstandyq jastyń salt-dástúrdi berik ustanyp, qazaq tilinde erkin sóıleýine jaǵdaı jasalýy kerek. Sol sebepten, bul maqsatta naqty jumystar atqarylatyn bolady», -deıdi Májilis depýtaty.

Ǵanı Tashqaraev Qazaqstan halqy Assambleıasynyń Alǵys hatym atyraýlyq pedagogtar men jastardyń bir tobyna tapsyrdy.

Eske sala ketelik, buǵan deıin Atyraýda Altyn Ordda jaıly teatrlandyrylǵan qoıylym sahnalanǵanyn jazǵan bolatynbyz.