Bastaýysh synyp oqýshylary saýyqtyrý ortalyǵyna ata-anasymen birge barady

ASTANA. KAZINFORM — Oqý-aǵartý mınıstrliginiń resmı ókili Mereke Amangeldiqyzy tasqynnan evakýatsııalanǵan bastaýysh synyp oqýshylary saýyqtyrý ortalyqtaryna ata-anasymen birge baratynyn málim etti.

«Evakýatsııalyq pýnkterdegi balalardy ornalastyrý jumystary júrgizilýde. Búgingi tańda evakýatsııa beketindegi 2393 balaǵa oqý protsesi uıymdastyryldy.
Sondaı-aq, bastaýysh synyp oqýshylary saýyqtyrý ortalyqtaryna ata-anasymen birge joldanady. Al orta býyndaǵy oqýshylar „Daryn“, RFMM, BIL jáne NZM sııaqty respýblıkalyq mańyzdaǵy ınnovatsııalyq mektep-lıtseılerdiń jataqhanasyna ornalastyrylady. Joǵarǵy synyp oqýshylary ýaqytsha kolledjderge ornalastyrylady. Oqý aǵartý mınıstrligi qosymsha oryn ázirlep qoıdy», — dedi ol.

Sondaı-aq, tasqyn aýmaqtarynda 400-ge jýyq mektep psıhology jumys istep jatqanyn atap ótti.

«Óńirlik bala quqyǵy jónindegi ýákilderdiń belsendi jumysy uıymdastyryldy. Balalardy saýyqtyrý ortalyqtaryna uıymdasqan túrde tasymaldaý maqsatynda qaýipsizdik nusqaýlyǵy men algorıtmi ázirlendi. Saýyqtyrý ortalyqtaryna Batys Qazaqstan, Qostanaı, Aqmola, Aqtóbe oblystarynan 600-ge jýyq oqýshy qabyldandy. Olar sapaly bilim alýy úshin qajetti oqý quraldarymen, tamaqtanýmen, kıim-keshekpen qamtyldy», — dedi Mereke Amangeldiqyzy.