«Bastaý» kınofestıvaliniń jeńimpazdary belgili boldy
Almatyda XI Halyqaralyq «Bastaý» stýdenttik jáne debıýttik fılmder kınofestıvali aıaqtaldy. Jabylý saltanatynda festıvaldiń barlyq konkýrstyq baǵdarlamalarynda jeńimpazdardy marapattaý rásimi ótti, dep habarlaıdy Kazinform.
Júlde men dıplomdardy laýreattar qazylar alqasy músheleriniń qolynan aldy: tolyq metrde — Elchın Mýsaoglý (Ázerbaıjan), Sýat Kojer (Túrkııa), Taalaıbek Qulmendeev (Qyrǵyzstan), Bolat Qalymbetov jáne Janna Qýanysheva (Qazaqstan); qysqa metrde — Azız Jambakıev (Qazaqstan), Sırıel Nıfl (Frantsııa), Reno Pesher (Frantsııa)), Mýrad Ibragımbekov (Ázirbaıjan) jáne Elvıra Mamytova (Qyrǵyzstan); derekti fılmde — Nıno Kırtadze (Frantsııa / Grýzııa), Helen Gerrıtsen (Nıderlandy), Safar Hakdodov (Tájikstan), Ásııa Baıǵojına jáne Talǵat Taıshanov (Qazaqstan) jáne stýdenttik qazylar alqasy — Dıana Abdýllaeva, Dılnaz Jıhangez jáne Qyrmyzy Rústembekova.
Bastau DEBUTS baǵdarlamasynda Qalyqbek Salyqov atyndaǵy júlde / Gran-prı mońǵolııalyq rejısser Zolıargal Pýrevdashtyń «Eslı by ıa tolko mog vpast v spıachký» kartınasyna buıyrdy.
«Úzdik rejıssýra» júldesin «Voskresene» fılmi úshin ózbekstandyq Shokır Holıkov pen «Inshallah, bala» fılmi úshin ıordanııalyq Amjad Ál-Rashıd jeńip aldy.
«Qazylar alqasynyń arnaıy júldesi» qazaqstandyq Maks Akbarovtyń «Dala» fılmine buıyrdy.
Úzdik akter qyrǵyzstandyq Toktosýn Azyǵulov («Dıtıa nebes» fılmi), al úzdik aktrısa reseılik Hadıja Bataeva («Kletka ışet ptıtsý») boldy.
«Qazylar alqasynyń erekshe atalymy» nomınatsııasynda grýzııalyq Bek Sıharýlıdzeniń «Ot jıznı k jıznı» kartınasy jeńdi.
«Jyl serpilisi» atty taǵy bir arnaıy syılyq Aısultan Seıtovtyń «Qash» fılmine tabystaldy.
BASTAU SHORTS baǵdarlamasynda Qytaıdan kelgen qysqametrajdy týyndy báriniń kóńilinen shyqty — «Sen maǵan qaraısyń ba?» fılmi «Úzdik qysqametrajdy derekti fılm» nomınatsııasynda jeńiske jetip, sondaı-aq NETPAK qazylar alqasynyń júldesin jáne stýdenttik qazylar alqasynyń «Erekshe atalymyna» ıe boldy.
Avstralııadan kelgen «Keseler» eń úzdik anımatsııalyq qysqametrajdy fılm, al Irannan kelgen «Dóńgelek pen shól dala» eń úzdik qysqametrajdy kórkem fılmi dep tanyldy.
Qazylar alqasynyń arnaıy júldesi qazaqstandyq «Dala qorǵaýshysy» lentasyna buıyrdy, al Reseıdiń «Baıkal júregi» fılmi «Erekshe atalym» syılyǵyn aldy.
BASTAU Docs baıqaý baǵdarlamasynda Oraz Ábishev atyndaǵy bas júlde Polshadan kelgen «Artqy kórinis aınasynda» fılmine, al qazylar alqasynyń arnaıy júldesi Rýmynııadan kelgen «Eki tóńkeristiń arasynda» derekti jumysyna berildi.
Festıval seriktesi AlmaU Medıa jáne kıno mektebiniń arnaıy syılyǵy «Golos lednıka» derekti fılminiń túsirilim tobyna berildi.
Stýdenttik qazylar alqasy festıvaldiń eń úzdiń qysqametrajdy fılmi retinde Izraılden kelgen «Antısotsıal» kartınasyn atady.
Sondaı-aq, saltanatty rásimde Almaty Film Lab sheberhanasy pıtchıng jeńimpazdarynyń esimi belgili boldy, olar óz jobasyn odan ári óndirý úshin aqshalaı syılyq aldy.
92 ótinimniń ishinen ıAn Býshmına «Ań» jobasymen jáne Jámılıa Saharı «Jolaýshylar» jobasymen qysqametrajdy kórkem fılmder sanatynda úzdik shyqty, al derekti fılmder sanatynda Almıra Ismaılova «Kóndim» jobasymen jeńiske jetti.
Saltanatty shara BASTAU DEBUTS halyqaralyq konkýrstyq baǵdarlamasynda jeńimpaz bolǵan fılmniń kórsetilimimen aıaqtaldy.
