«Bastaý» kınofestıvali «Soǵys tutqyny» fılmimen ashylady
12-16 jeltoqsan aralyǵynda Almatyda XI Halyqaralyq «Bastaý» stýdenttik jáne debıýttik fılmder kınofestıvali ótedi, dep habarlaıdy Kazinform.
12 jeltoqsanda Abaı atyndaǵy Qazaq ulttyq opera jáne balet teatrynda festıval rejısser Eldar Qaparovtyń «Soǵys tutqyny» tarıhı dramasynyń premerasymen ashylady.
Fılmdegi oqıǵanyń negizi ekinshi dúnıejúzilik soǵystan keıin keńestik tutqynda bolǵan japon jigiti, ımperatorlyq mekteptiń kýrsanty Ahıko Tetsýronyń shynaıy taǵdyry tóńireginde órbıdi.
Lagerde jas japon soǵystyń naǵyz batyry, Keńes áskerinde qyzmet etken jáne Berlınge shabýylǵa qatysqan qazaq jaýyngeri Ákejanmen kezdesedi.
Ol keıin Japon soǵysyna jiberilip, onda jaraqat alyp, tutqynǵa túsken. Qaıtyp oralǵannan keıin Ákejan «satqyn jáne halyq jaýy» retinde sottalǵan…
Fılmdi prodıýserler Borıs Cherdabaev jáne Álııa Ývaljanova bastaǵan halyqaralyq komanda túsirgen.
Japondar jaqtan Sano Sındzıý jáne Shýıchı Esımýra boldy. Basty keıipkerlerdiń rólin Syrym Qashqabaev (Qazaqstan) jáne Eısaký Ogasavara (Japonııa) somdady.
Festıval dástúrli túrde Tanaris Production jáne A-Team kınokompanııalarymen Almaty qalasy ákimdiginiń jáne QR Mádenıet jáne aqparat mınıstrliginiń qoldaýymen uıymdastyrylady.
Festıvaldiń seriktesteri — T. Júrgenov atyndaǵy Qazaq ulttyq óner akademııasy, «Turan» ýnıversıtetiniń Turan Film Academy joǵary mektebi, AlmaU medıa jáne kıno mektebi jáne Qazaq ulttyq óner ýnıversıteti.
Búkil kórsetilimder «Arman» kınoortalyǵynda ótedi. Kirý tegin.
