«Bastaý Bıznes» baǵdarlamasynyń 1334 túlegi óz bıznesin iske qosty
ALMATY. QazAqparat - Óńirlik kommýnıkatsııalar qyzmeti alańynda ótken onlaın brıfıng barysynda Almaty qalasy Kásipkerler palatasynyń dırektory Aıtýar Qoshmambetov kásipkerlik sýbektilerin qoldaý sharalary týraly aıtyp berdi, dep habarlaıdy QazAqparat tilshisi.
«Bıznestiń jol kartasy-2025» memlekettik baǵdarlamasy aıasynda Almaty qalasy Kásipkerler palatasy janynda Kásipkerlerge qyzmet kórsetý ortalyǵy jumys isteıdi.
Ol bızneske tegin servıstik qoldaý kórsetedi. Osyǵan uqsas qyzmetterdi services.atameken.kz portaly arqyly alýǵa bolady.
Osy ýaqytqa deıin munda 4325 oflaın qyzmet kórsetildi.
29 keńesshi 4 897 qyzmet kórsetken. Bul jospardyń 108,55%-y bolyp tabylady. Bıyl eksperımenttik rejımde qyzmetterdiń bir bóligi aýtsorsıngke berildi.
1 qyrkúıekten bastap, «Salyk consulting» jeke kásipkerliginiń konsaltıngtik kompanııasy óz jumysyn bastady.
Ol baıqaý qorytyndysy boıynsha jeńimpaz bolyp, servıstik qyzmet kórsetip jatyr.
«Eń suranysqa ıe qyzmetterdiń biri – bul bıznes-josparlardy qurý. Tek bıyldyń ózinde bizdiń keńesshilerimiz quny 2,3 mlrd teńge 218 bıznes-jospar jazǵan.
Onyń ishinde ekinshi deńgeıli bankterde 950 mln tg somasyna 78 joba maquldandy», — dedi Aıtýar Qoshmambetov.
Sonymen qatar, «Bıznes-mektep» baǵdarlamasy bar, onda búgingi tańda 1338 adam oqytýdan ótti. «Bastaý Bıznes» jobasy aıasynda 2 600 adam oqýdy aıaqtady. 2 128 tyńdaýshy aıaqtalǵany týraly sertıfıkat aldy, 472 tyńdaýshy qatysqany týraly sertıfıkat aldy. Onyń ishinde 48 qatysýshy múgedek, 400 — kóp balaly ana jáne kóp balaly otbasy músheleri, 278 — az qamtylǵan adamdar jáne otbasy músheleri, NEET sanatyndaǵy jastar (áleýmettik jáne ekonomıkalyq sıpattaǵy belgili bir jaǵdaılarǵa baılanysty oqymaıtyn, jumys istemeıtin jáne biliktiligin arttyrmaıtyn jastar) 448 qatysýshy kásipkerler, 219 qatysýshy qandastar, 39 qatysýshy ózin-ózi jumyspen qamtyǵandar, 541 jumyssyz qatysýshy.
2020 jyly Almaty qalasy boıynsha 1705 grant bólindi, onyń ishinde 818 grantty 2019 jylǵy «Bastaý Bıznes» jobasynyń túlekteri aldy, al qalǵan 687 grantty 2020 jylǵy oqýdy aıaqtaǵan qatysýshylar aldy.
Búgingi tańda 2020 jyldyń 1334 túlegi 5 baǵyt boıynsha óz bıznesin bastady:
- tigin tsehy (atele, kıimderdi jóndeý, qıystyryp keltirý, tigý) — 581;
- sulýlyq salony (shashtaraz, tyrnaq qyzmeti ortalyǵy, makııaj ortalyǵy) — 293;
- kondıterlik tseh (shaǵyn naýbaıhana, kondıterlik, nan-toqash ónimderi) 95;
- qoǵamdyq tamaqtaný (ashana, fastfýd, fýdkordtar, aspazdyq, kofehanalar, donerlik, kofeterııalar, pıtstserııa, býrgerlik) — 75;
- fotostýdııa (montaj, beınejazba, fotosalondar) — 59.
