Bastamasy joq, nemquraıdy memqyzmetkerler bizge kerek emes – Memleket basshysy

NUR-SULTAN. QazAqparat – Úkimettiń keńeıtilgen otyrysyn qorytyndylaǵan Prezıdent Qasym-Jomart Toqaev memlekettik apparatqa jumylyp jumys isteýdi tapsyrdy, dep habarlaıdy QazAqparat tilshisi.

«Memlekettik qyzmetshiler osynaý elimiz úshin kúrdeli sátte jumylyp jumys isteý kerek. Sizderge bastamalar kóterip, qajet kezinde shuǵyl sheshim qabyldaı alatyn qabilet tanytý kerek. Bastama aıtpaıtyn, nemquraıdy sheneýnikter bizge kerek emes», - dedi memleket basshysy.

Prezıdent quqyq qorǵaý organdaryna jemqorlyqpen kúreste obektıvti bolýdyń mańyzy zor ekenin basa aıtty.

«Quqyq qorǵaý organdary memlekettik apparattyń jumysynan sybaılas jemqorlyqty anyqtaý kezinde qyraǵylyq, jedeldik, obektıvtilik tanytýy kerek. Shyn kinálilerdi zań boıynsha jazalaý qajet. Memlekettik satyp alýlarǵa erekshe nazar aýdarǵan jón. Bul sala áli de bolsa ashyq bolmaı tur. Jol jáne basqa da qurylys túrlerinde laýazymdy teris paıdalaný máselesine, ásirese, iri jáne orta ınfraqurylymdyq jobalarǵa osyndaı nazar aýdarý kerek. Bir sózben aıtqanda, sybaılas jemqorlyqpen júıeli, birizdi kúres bizdiń ıyzǵymaıtyn basym baǵytym bolyp qalýi kerek. Memlekettik apparat jınaqy bolýy kerek jáne nátıjege baǵdarlanǵan bolýy qajet», - dedi qasym-Jomart Toqaev.