Bastamanyń árqaısysy mıllıondaǵan adamnyń múddesimen úndes - Erlan Qarın
Onyń atap ótýinshe, búgin Nursultan Nazarbaev jańa kún tártibin belgiledi jáne ony Parlamenttiń birlesken otyrysy qarsańyndaǵy qaýesetterdi joqqa shyǵaryp jurt kútken jaıttan múldem bólek ózindik stılde júzege asyrdy.
«Prezıdent sóziniń basty adresaty sheneýnikter emes, eń birinshi kezekte qarapaıym azamattar boldy. Sondyqtan da búgingi prezıdenttik 5 áleýmettik bastama óziniń pishini, sonymen qatar óziniń mazmuny jaǵynan da is júzinde kezekti Joldaý. Eger qańtarda Prezıdent ekonomıkalyq kúntártibin qalyptastyrsa, al búgin Memleket basshysy áleýmettik blogty júıeli jańartý boıynsha baıytylǵan baǵdarlama usyndy. Bul qarapaıym ǵana taktıkalyq bastama emes, baıypty ári aýqymdy baǵdarlama. Bes bastamanyń árqaısysy birneshe mıllıondaǵan adamnyń múddesine qatysty. Jıyntyǵynda keminde halyqtyń jartysy prezıdenttik áleýmettik baǵdarlamamen qamtylatyn bolady. Sondyqtan da Prezıdenti tikeleı efırde jáne Parlamenttiń birlesken otyrysy alańynda sóz sóıledi», - dedi Erlan Qarın.
Onyń aıtýynsha, geosaıasattyń árbir baǵytynda Prezıdent basty shamshyraqty belgilep berdi. Bul ıdeologııalyq blogta «Rýhanı jańǵyrý» bolsa, ekonomıkada - tsıfrlandyrý baǵdarlamasy. Al saıası blog ótken jyly konstıtýtsııalyq reformalar arqyly anyqtalǵan bolatyn.
«Endi mine Memleket basshysy áleýmettik blok úshin jańa kókjıekti anyqtady», - dedi ol.
