Basshylyqtan túsirilgen Fılıppınniń burynǵy prezıdenti Manılanyń meri bolyp saılandy
ASTANA. 15 mamyr. QazAqparat - 2001 jyly laýazymynan túsirilip, keıin jemqorlyq boıynsha abaqtyǵa toǵytylǵan Fılıppınniń burynǵy prezıdenti Djozef Estrada eldiń astanasy Manılanyń meri bolyp saılandy. Bul týraly VVS habarlady.
76 jastaǵy saıasatker óziniń qalǵan ómirin el astanasyndaǵy kedeı turatyn adamdarǵa kómek kórsetýge arnaıtynyn alǵa tartyp otyr.
Aıta keteıik, prezıdenttik laýazymnan túsirilgennen keıin Estrada memlekettik qarjyny ysyrap etý turǵysyndaǵy aıyppen sot aldyna shaqyryldy.
2007 jyly eks-prezıdent ómir boıǵy merzimge túrmege jabylǵan edi. Alaıda ol temir tordyń arǵy jaǵynda jarty jyl ǵana otyryp, prezıdenttik raqymshylyq boıynsha bostandyqqa jiberildi.
