Basshylyq pen baspasóz qyzmeti arasynda tikeleı baılanys bolýy kerek – Bıbigúl Jeksenbaı
ASTANA. QazAqparat – QR Parlamenti Senaty tóraǵasynyń buqaralyq aqparat quraldarymen baılanys jónindegi keńesshisi, tanymal telejúrgizýshi Bıbigúl Jeksenbaı memlekettik organdardyń baspasóz qyzmetiniń aqparatty taratý qyzmetine qatysty óz oıyn ortaǵa saldy, dep habarlaıdy QazAqparat tilshisi.
Búgin elordada memlekettik jáne korporatıvtik kommýnıkatsııany damytý máselesine arnalǵan PR forým ótti.
Atalǵan sharada qaralǵan máseleniń biri - baspasóz qyzmetiniń jumysy jáne jalpy aqparat taratý jaıy.
«Krızıstik kezeń degende pandemııa, qańtar oqıǵasy eske túsedi. Krızıstik jáne tótenshe jaǵdaıda memlekettik organdardyń baspasóz qyzmetiniń sheshim shyǵaratyn adamdarǵa jaqyndyǵy mańyzdy ról atqarady. Bundaı jaǵdaıda basshylyq pen baspasóz qyzmetiniń arasynda ashyq ári tyǵyz baılanys bolýy kerek. Sondaı-aq, mańyzdy aqparatty jedel taratqan abzal. Odan bólek, aıtary bar spıkerdiń jurtshylyq jáne BAQ aldyna daıyndalyp kelýi mańyzdy», - dedi Bıbigúl Jeksenbaı elordada ótken PR forýmda.
Onyń aıtýynsha, feık aqparattar tez tarap jatqan ýaqytta memorgandardyń qoǵamǵa aıtpaǵy men jaýaby júıeli ári jyldam uıymdastyrylýy tıis.
«Orta býyn ókilderi biledi, buryn bizde medıa jospar boldy. Qazir aqparat aǵyny kóp jáne búgin qurǵan medıa josparyń erteń mańyzyn joǵaltýy ǵajap emes. ıAǵnı, búgingi aqparat erteń dál sondaı qajettilik pen suranysqa ıe emes. Sondyqtan da búginde memlekettik organdardyń nemese bıliktiń aıtpaq messedji aıtarlyqtaı transformatsııaǵa ushyrady. Buryn memlekettik organdardyń izinen jýrnalıster aqparat surap júgirip júrse, qazir kerisinshe», - deıdi ol.
Buǵan deıin elordada PR forým ótip jatqanyn habarlaǵan edik.
