Basshylardy kabınetterinen shyǵýǵa májbúrlep jatyrmyz - A.Kalaıchıdı
NUR-SULTAN. QazAqparat - QR Іshki ister mınıstriniń orynbasary Alekseı Kalaıchıdı ishki ister organdarynda júrgizilip jatqan reformalar jaıynda aıtty, dep habarlaıdy QazAqparat tilshisi.
«Іshki ister mınıstrligi - bul eń úlken quqyq qorǵaý organy jáne ol óz jumysynyń jabyqtyǵy úshin barynsha jıi synǵa ushyrady. Sondyqtan biz úshin mundaı jaǵdaıdy ózgertýdiń ómirlik mańyzy bar. Bul úshin sońǵy jyldardyń ishindegi eń aýqymdy reformany bastap kettik. Onyń 9 baǵyty bolsa, biri qoǵammen, onyń ishinde buqaralyq aqparat quraldarymen jańa format qurýǵa baılanysty», - dedi ol jergilikti atqarýshy organdar qyzmetiniń ashyqtyǵyn qamtamasyz etý máselelerine arnalǵan respýblıkalyq semınar-keńeste.
Onyń aıtýynsha, mınıstrlik dástúrli BAQ-pen kommýnkatsııalar arnasyn saqtap qana qoımaı, ony nyǵaıta túsýge tyrysyp otyr.
«Biz bul yntymaqtastyqty qalaı nyǵaıtyp, damytpaqpyz? Eger burynyraqta BAQ-pen negizgi ózara is-qımyl baspasóz hatshysynyń sóz sóıleýimen shektelse, endigi ýaqytta bizdiń basshylardy kabınetterinen shyǵyp, osyndaı alańdarda kezdesýge, dıalogty talap etetin belgili bir problemalar, rezonansty jaǵdaılar jaıynda aıtýǵa májbúrleımiz. Ekinshi erekshelik - bul áleýmettik jeliler. Bizde de vedomstvolyq saıt, akkaýnt bar. Oǵan jazylýshylarymyzdyń sany shamamen 650 myń adam», - dedi mınıstrdiń orynbasary.
Alekseı Kalaıchıdı ishki ister organdary qoǵam aldynda ashyq bola túsip, «Joldaǵy qabyldaý» tájirıbesin jolǵa qoıdy. Aktsııa aıasynda basqarmalar men departamentterdiń basshylyq qyzmetkerleri kóshelerde, saýda oryndarynda halyqpen kezdesip, olardy tolǵandyratyn saýaldarǵa jaýap beredi.
«Mundaı aktsııa sáýir-mamyr-maýsym aılarynda 2 kúnnen ótkizildi. Osy kezeńde adamdarmen ortasha eseppen 17-18 myń baılanys boldy. Bastapqyda adamdar senimsizdikpen qarap, sońynda birtindep munyń qalypty úrdis ekendigine kóz jetkizdi. Kópshiligi qyzmette sol jerlerden-aq aldy. Alǵashqyda bul tek jol qozǵalysyna qatysýymen baılanysty ǵana bolǵan edi... Sodan keıin kóshi-qon zańnamasyn, artynan biz kórsetetin memlekettik qyzmetterdiń tolyq salasyn qamtydy. Biz jylyna shamamen 17 mln memlekettik qyzmet kórsetemiz», - dedi ol.
