Basshy konkýrstan tys aýysý tártibimen úsh qyzmetkerdi taǵaıyndaı alady

ASTANA. QazAqparat - Qazirgi kezde daıyndalǵan zań jobasy aıasynda aldaǵy jyldan bastap konkýrstan tys basshy aýysý tártibimen úsh qyzmetkerdi taǵaıyndaı alady.

«Bizdiń qazirgi daıyndaǵan zań jobasyna toqtalatyn bolsaq, birinshi basshy óziniń kómekshisin, hatshysyn, keńesshisin aýysý tártibimen óziniń istep jatqan mekemesine taǵaıyndaý quqyǵy berilip otyr. Tek osy qyzmetkerler ǵana, basqa eshqaısysyn joq», - dedi búgin Ortalyq kommýnıkatsııalar qyzmetindegi baspasóz máslıhatynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi Memlekettik qyzmet jáne sybaılas jemqorlyq profılaktıkasy departamentiniń basshysy Álı Kómekbaev.