Basseınde 70-ten astam adam hlordan ýlandy
ASTANA. 22 maýsym. QazAqparat - Amerıkanyń Indıanapolıs qalasynda basseınde 70-ten astam adam, onyń ishinde birneshe bala hlordan ýlanyp, aýrýhanaǵa jetkizildi.
Qalalyq qutqarý qyzmetiniń ókilderi habarlaǵandaı, basseıindegi hlor qalypty normadan artyq bolǵan. Hımııalyq ýlanýdyń saldarynan adamdar loqsyp, qatty jótelgen, oǵan qosa kózderi aýyryp, qaraýytqan. Dárigerlerdiń sózine qaraǵanda, qazirgi ýaqytta barlyq zardap shekkenderdiń jaǵdaıy qalypty, ómirlerine esh qaýip joq. Indıanapolıs qalasynyń ákimshiligi habarlaǵandaı, keleńsiz oqıǵa basseındi tazartýdan, ıaǵnı suıyqtyqty mólsherden artyq quıý saldarynan bolǵan, dep habarlady ITAR-TASS.
