09:16, 01 Tamyz 2024 | GMT +6

Basseın de, aqsha da joq: Qaraǵandyda balalar sportyna bólingen qarjy jymqyryldy

жымқыру — Фото: ҚМА видеосынан алынған кадр

QARAǴANDY. KAZINFORM — Qarjylyq monıtorıng agenttigi Qaraǵandy oblysynda basseın salýǵa bólingen bıýdjet qarajatyn jymqyrý faktisin tergep jatyr.

Balalar sportyn damytýǵa baǵyttalǵan áleýmettik mańyzy bar obektiniń qurylysyn baqylaǵan azamat oryndalǵan jumystyń jalǵan aktileri boıynsha jetkizilmegen qurylys materıaldary úshin ózine qarasty kásiporynnyń shotyna, sondaı-aq basseın qurylysyna qatysy joq basqa kásiporyndardyń atyna qarajat aýdarǵan.

Keshendi sot qurylysy-ekonomıkalyq saraptamasynyń qorytyndysyna sáıkes, memleketke oryndalmaǵan jumys pen jetkizilmegen materıaldardan turatyn 130 mln teńgeden astam zalal kelgen.

Atalǵan azamat ustalyp, úıqamaqqa alyndy.

Qazirgi ýaqytta sotqa deıingi tergeý júrip jatyr.

QR QPK 201-baby tártibindegi ózge aqparat jarııalanbaıdy.

Tegter:

Қарағанды облысы Сыбайлас жемқорлықпен күрес ҚР Қаржылық мониторинг агенттігі Қарағанды Қаржы жымқыру

Сейчас читают