Baspasózde saılaý naýqanyna oraı 15 myń materıal jarııalandy

ASTANA. QazAqparat - Búgin QR Ortalyq saılaý komıssııasynyń tóraǵasy Qýandyq Turǵanqulov Qazaqstan Respýblıkasy Prezıdentiniń kezekten tys saılaýyn baıqaý jónindegi EQYU/DIAQB mıssııasynyń basshysy Kornelııa Vıllemıen Anke Ionker hanymmen kezdesti.

Júzdesý barysynda Q.Turǵanqulov elimizdiń Ortalyq saılaý komıssııasy saılaý naýqanyna oraı buqaralyq aqparat quraldarynda jarııa etilgen materıaldarǵa monıtorıng júrgizip otyrǵanyn atap ótti.

«26 naýryzdan beri osy ýaqytqa deıin saılaý taqyrybyna qatysty shamamen 15 myń materıal jarııa etildi. Bul monıtorıng barlyq kandıdattarǵa buqaralyq aqparat quraldaryna tek qoljetimdilik jasap otyrǵanyn dáleldeı túsedi», - dedi OSK Tóraǵasy.

Sonymen qatar ol mıssııa basshysyna respýblıkalyq bıýdjet esebinen kandıdattarǵa úgit jumystaryn júrgizýge 7 mln. teńgeden bólingenin aıtty.