Baspasóz kartasy jýrnalısti blogerden ajyratý úshin beriledi – Darhan Qydyráli

ASTANA. QazAqparat – Aqparat jáne qoǵamdyq damý mınıstri Darhan Qydyráli Úkimet otyrysynan keıin BAQ ókilderine «Baspasóz kartasy» mehanızmin engizý ne úshin kózdelip otyrǵanyn aıtty, dep habarlaıdy QazAqparat tilshisi.

«Mass medıa týraly zań jobasynda jýrnalıstiń mártebesin aıqyndaý kózdelip otyr. Baspasóz kartasy sol jýrnalıstiń statýsyn aıqyndaý úshin, jalpy jýrnalıst pen blogerdi ajyratý úshin beriledi. Bul jańashyldyq Eýroodaqtyń biraz memleketterinde, mysaly Túrkııada biraz jyldan beri keńinen qoldanylady», - dedi mınıstr.

Ol press-kart sheteldiń tájirıbesinen alynǵan mehanızm ekenin eske saldy.

«Sonymen qatar ony berý mehanızmin de qarastyryp jatyrmyz. Bul negizi jýrnalısterdiń ózin-ózi retteý mehanızmi boıynsha arnaıy komıssııa arqyly retteledi degen oıdamyz. Ol kartany mınıstrlik bermeıdi, ózderińiz sııaqty jalpy jýrnalıster qaýymdastyǵy tarapynan qurylatyn komıssııa arqyly sheshiledi», - dedi Darhan Qydyráli.

Foto: primeminister.kz